09.06.2026 | 00:17
Մարկո Ռուբիոն շնորհավորել է Փաշինյանին
Ինքնակամ կառույցների օրինականացման նոր վերջնաժամկետ կսահմանվի
Հասարակություն
07.10.2025 | 16:05
Ինքնակամ կառույցների հաշվառման համար սահմանված ժամկետը մեկ և վերջին անգամ երկարաձգելու հնարավորություն է ընձեռվելու։ Կադաստրի կոմիտեից հայտնում են, որ կարգավորումը քաղաքացիներին կտրամադրի լրացուցիչ ժամանակ՝ մինչև 2021 թվականի հունվարի 1-ը կառուցված ինքնակամ կառույցների, ինչպես նաև կիսակառույց ինքնակամ կառույցների հատվածների վերաբերյալ տեղեկությունները և փաստաթղթերը Կադաստրի կոմիտե ներկայացնելու համար։
Նոր վերջնաժամկետ է սահմանվելու 2026 թվականի դեկտեմբերի 31-ը։
Կոմիտեի ներկայացրած նախագծերի փաթեթի հիմնավորման մեջ շվում է․ «․․․Բազմաթիվ քաղաքացիներ տարբեր պատճառներով չեն կարողացել սահմանված ժամկետներում հաշվառել իրենց կառուցած ինքնակամ կառույցները կամ դրանց կիսակառույց հատվածները։ Նշված ժամկետների ընթացքում քաղաքացիներից շատերը չեն հասցրել ներկայացնել անհրաժեշտ տեղեկությունները և փաստաթղթերը, ինչը պայմանավորված է եղել ինչպես օբյեկտիվ հանգամանքներով, այնպես էլ քաղաքացիների իրազեկվածության պակասով։
Ներկայումս փաստացի առկա են ինքնակամ կառույցներ, որոնք կառուցված են մինչև օրնքով սահմ ժամկետը, սակայն չեն ընդգկվել հաշվառման գործընթացում»։
Կոմիտեից նշում են, որ փոփոխությամբ նպատակ են հետապնդում կանխելու ինքնակամ կառույցների հաշվառման գործընթացում տվյալների հնարավոր խեղաթյուրումները։
