19.12.2025 | 11:18
ԱՄՆ-ն դադարեցրել է Գրին քարտի խաղարկության ծրագիրը Ռոդ Այլենդի Բրաունի համալսարանում կրակոցներից հետո
Մեր իշխանության համար կրթությունը եղել և մնում է առաջնահերթություն․ Ալեն Սիմոնյանը շնորհավորել է ուսուցիչներին
Հասարակություն
05.10.2025 | 10:28
Ուսուցիչը ոչ միայն գիտելիք փոխանցող է, այլեւ արժեքներ ու մտածողություն ձեւավորող։ Այս մասին նշվում է Ուսուցչի օրվա առթիվ ՀՀ ԱԺ նախագահ Ալեն Սիմոնյանի շնորհավորական ուղերձում։
«Հարգելի՛ ուսուցիչներ,
Սրտանց շնորհավորում եմ ձեզ մասնագիտական տոնի առթիվ։
Ուսուցիչը ոչ միայն գիտելիք փոխանցող է, այլեւ արժեքներ ու մտածողություն ձեւավորող։ Ձեր նվիրումն ու պատասխանատվությունը ստեղծում են մեր պետության ամենաարժեքավոր կապիտալներից մեկը՝ կրթված եւ գիտակից երիտասարդությունը։
Մեր իշխանության համար կրթությունը եղել եւ մնում է առաջնահերթություն։ Վստահ ենք, որ առանց որակյալ կրթության անհնար է կառուցել բարեկեցիկ եւ անվտանգ Հայաստան, իսկ այդ մեծ առաքելության հիմքում կանգնած եք դուք՝ ձեր գիտելիքներով, ամենօրյա աշխատանքով ու անսահման նվիրվածությամբ։
Սիրելի՛ ուսուցիչներ, կրկին շնորհավորելով մասնագիտական տոնի առթիվ՝ ցանկանում եմ ձեզ բեղմնավոր աշխատանքային գործունեություն` ի նպաստ Հայաստանի Հանրապետության բարօրության եւ պայծառ ապագայի»,-նշել է նա:
