27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Հայաստանի ու Ադրբեջանի ԱԳ նախարարները մասնակցել են Մարկո Ռուբիոյի կազմակերպած միջոցառմանը
Քաղաքականություն
25.09.2025 | 10:15
Նյու Յորքում գտնվող ՀՀ ԱԳ նախարար Արարատ Միրզոյանը մասնակցել է ԱՄՆ պետքարտուղար Մարկո Ռուբիոյի կողմից կազմակերպված միջոցառմանը։
ԱՄՆ Պետքարտուղարության հաղորդմամբ՝ պետքարտուղար Մարկո Ռուբիոն 2025 թվականի տրանսատլանտյան ընթրիքը հյուրընկալել է ԵՄ-ի և ՆԱՏՕ-ի անդամ պետությունների արտաքին գործերի նախարարների, ՆԱՏՕ-ի գլխավոր քարտուղար Մարկ Ռյուտեի, Եվրոպական Միության բարձր ներկայացուցիչ Կայա Կալլասի, ինչպես նաև Հայաստանի, Ադրբեջանի, Շվեյցարիայի և Ուկրաինայի արտաքին գործերի նախարարների մասնակցությամբ։
ԱՄՆ պետքարտուղարը նշել է տրանսատլանտյան գործընկերության կարևորությունը խաղաղության պահպանման և բարգավաճման հասնելու համար, ՆԱՏՕ-ի անդամ պետությունների պատմական հանձնառությունը՝ ավելացնելու պաշտպանական ծախսերը՝ զսպման միջոցները ուժեղացնելու, և Ռուսաստան-Ուկրաինա պատերազմը դադարեցնելու համար շարունակական դիվանագիտական ներգրավվածության կարևորությունը։
Ռուբիոն նաև ընդգծել է «Չինաստանի վնասակար ազդեցությանը դիմակայելու, Մերձավոր Արևելքում կայունության հասնելու համար համատեղ համագործակցության կարևորությունը, այդ թվում՝ ապահովելու միջոցով, որ Իրանը երբեք չմշակի կամ ձեռք բերի միջուկային զենք, և ԱՄՆ նախագահ Դոնալդ Թրամփի նվաճումը Հայաստանին ու Ադրբեջանին երկարատև խաղաղության ճանապարհին ուղղորդելու գործում»։
Ադրբեջանի ԱԳՆ-ն նաև միջոցառումից լուսանկարներ է հրապարակել, որից կարելի է ենթադրել, որ Մարկո Ռուբիոն զրույց է ունեցել Հայաստանի ու Ադրբեջանի ԱԳ նախարարներ Արարատ Միրզոյանի ու Ջեյհուն Բայրամովի հետ։
Թարգմանությունը՝ Էմմա Չոբանյանի
