07.09.2026 | 14:33
ՌԴ-ն ու Հյուսիսային Կորեան բացել են երկու երկրների միջև առաջին ավտոմոբիլային կամուրջը
Մանկապարտեզի բակում հնչած կրակոցների դեպքի առթիվ նախաձեռնվել է քրեական վարույթ
Հասարակություն
24.09.2025 | 18:21
Երևանի թիվ 107 մանկապարտեզի բակում երեկ գիշեր հնչած կրակոցների դեպքի առթիվ նախաձեռնվել է քրեական վարույթ։ Այս մասին Factor.am-ին հայտնեցին Քննչական կոմիտեից։ Վարույթը նախաձեռնվել է երկու հոդվածով՝ խուլիգանության ու հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության։
«Իրականացվել է դեպքի վայրի զննություն, կատարվում են առաջնային անհետաձգելի քննչական ու վարութային գործողություններ»,- հավելեց ՔԿ մամուլի քարտուղար Կիմա Ավդալյանը։
Նշենք, որ ՆԳՆ-ից էլ ավելի վաղ միայն հայտնել էին, որ դեպքի հանգամանքները պարզվում են։ Մեր տեղեկություններով՝ կիրառվել է հրազեն․ գնդակը խոցել է պատուհանը՝ վնասել վարագույրն ու հատակը։ Արդյո՞ք կան վիրավորներ․ այս հարցի պատասխանը նույնպես իրավապահները չեն տալիս։
Արփի Հակոբյան
