11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Մերձավանի կրակոցներից հետո հոսպիտալացված Արծրուն Գալստյանի վիճակը ծայրահեղ ծանր է
Հասարակություն
24.09.2025 | 16:52
Մերձավանում տեղի ունեցած միջադեպի հետևանքով հիվանդանոց տեղափոխված Արծրուն Գալստյանի վիճակը ծայրահեղ ծանր է։ Այս մասին հայտնում են Factor TV-ի աղբյուրները։ Գործով վարույթն իրականանցող Քննչական կոմիտեն և Առողջապահության նախարարությունը, սակայն, նրա վիճակի վերաբերյալ տեղեկություն չեն հայտնում։
Նշենք, որ Մերձավանում՝ Փարաքար խոշորացված համայնքի ղեկավար Վալոդյա Գրիգորյանի տան մոտ, կեսգիշերին մոտ կրակոցներ են հնչել, որի հետևանքով համայնքի ղեկավարն ու ևս մեկ անձ՝ ոստիկանության ծառայող Կարեն Աբրահամյանը, մահացել են։ Վերջինը ծառայության մեջ չի եղել, համայնքի ղեկավարի հետ ընկերական հարաբերություններ է ունեցել։
Դեպքի հետևանքով վիրավորում է ստացել նաև Արծրուն Գրիգորյանը, որը տեղափոխվել է հիվանդանոց ու վիրահատվել։ Թեև ի սկզբանե ոստիկանությունը նախնական տեղեկություն էր հայտնել, որ Արծրուն Գալստյանը նույնպես ոստիկանության ծառայող է, գործով քննիչը հերքել է սա՝ հստակեցնելով, որ նա քաղաքացիական անձ է։
Արաքս Մամուլյան
