05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Ինչ է քննարկվել Սահմանադրական բարեփոխումների խորհրդի նիստում
Հասարակություն
24.09.2025 | 16:42
Արդարադատության նախարար Սրբուհի Գալյանի գլխավորությամբ տեղի է ունեցել Սահմանադրական բարեփոխումների խորհրդի հերթական նիստը․ տեղեկացնում են ՀՀ ԱՆ-ից։
«Խորհուրդը քննարկել է օրակարգում ընդգրկված հետևյալ հարցերը.
1) Ազգային ժողովի կազմավորման ընթացակարգը սահմանող կարգավորումների վերանայում,
2) Ազգային ժողովի ինքնարձակման կառուցակարգերի սահմանում,
3) Ազգային ժողովի մշտական հանձնաժողովների թիվը սահմանադրական օրենքով սահմանելու և էթիկայի մշտական հանձնաժողով ձևավորելու վերաբերյալ սահմանադրական կարգավորումների նախատեսում,
4) Ազգային ժողովի մշտական հանձնաժողովների կողմից փոխվարչապետին, նախարարին կամ դիվանագիտական ներկայացուցիչներին անվստահություն հայտնելու եզրակացություն ընդունելու կառուցակարգերի սահմանում:
Ակտիվ քննարկումների արդյունքում՝ նշյալ հարցերը քվեարկվել և ընդունվել են Սահմանդրական բարեփոխումների խորհրդի կողմից»,- ասված է ՀՀ ԱՆ-ի տարածած հաղորդագրությունում։
