04.12.2025 | 23:29
Թուրքիայում լրագրողին մեղադրանք է առաջադրվել Հայոց ցեղասպանության հետ կապված հոդվածով
Մահացել է «Մայրիկ»-ի դերակատար Կլաուդիա Կարդինալեն
Հասարակություն
24.09.2025 | 10:43
87 տարեկանում կյանքից հեռացել է իտալացի հանրահայտ դերասանուհի Կլաուդիա Կարդինալեն։ Դերասանուհու գործակալ Լորան Սավրին AFP-ին հայտնել է, որ Կարդինալեն մահացել է իր երեխաների շրջապատում՝ Փարիզի մոտ գտնվող Նեմուր քաղաքում, փոխանցում է Meduza-ն։
Կարդինալեն ծնվել է Թունիսում 1938 թվականի ապրիլի 15-ին։ Գեղեցկության մրցույթում հաղթելուց հետո Կարդինալեն մասնակցել է Վենետիկի կինոփառատոնին և ստացել կինոյում նկարահանվելու առաջարկ։
Կինոկարիերայի սկզբում Կարդինալեն սեռական բռնության է ենթարկվել։ Նա հղիացել և որոշել լույս աշխարհ բերել երեխային։ Մի քանի տարի նրա որդին՝ Պատրիկը, պաշտոնապես համարվել է նրա կրտսեր եղբայրը։
«Ես ստիպված էի հաշտվել այդ ստի հետ՝ սկանդալից խուսափելու և իմ կարիերան պաշտպանելու համար»,- պատմել է դերասանուհին։
Ընդհանուր առմամբ, Կարդինալեն նկարահանվել է ավելի քան 120 ֆիլմերում։
Հայ հանդիսատեսին դերասահուհին հայտնի է ֆրանսահայ ռեժիսոր Անրի Վերնոյի՝ Հայոց ցեղասպանությունից փրկված ու Ֆրանսիա գաղթած հայ ընտանիքի մասին պատմող «Մայրիկ» ֆիլմում գլխավոր դերակատարմամբ։
Թարգմանությունը՝ Էմմա Չոբանյանի
