13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Ֆրանկոֆոնիայի գագաթնաժողովի շրջանակում ֆրանսիական քաղաքների ՀԲԸՄ-ի թատերախումբը հյուրախաղերով հանդես կգա Երևանում
Մշակույթ
23.10.2018 | 21:49
Ֆրանկոֆոնիայի գագաթնաժողովի շրջանակում Երևանում հյուրախաղերով հանդես կգա ֆրանսիական Սենթ-Էտյեն և Սեն-Շամոն քաղաքների ՀԲԸՄ-ի թատերախումբը՝ «Ցիրուցան» ներկայացումով /ֆրանսերեն լեզվով/: Ֆրանսիայից Հայաստան ժամանած թատերախումբը հոկտեմբերի 24-ին և 25-ին հանդես կգա Երևանի Հովհաննես Թումանյանի անվան տիկնիկային թատրոնի բեմում: Ֆրանսահայ Էդմոն Անեմյանի բեմադրած «Ցիրուցանը» հայրենիքից հեռացած ու Ֆրանսիայում բախտ որոնող հայերի մասին է: Նախագծի աջակիցներն են նշված քաղաքների քաղաքապետարաններն ու ՀՀ մշակույթի նախարարությունը:
Բեմադրության հեղինակ, ֆրանսահայ Էդմոն Անեմյանի խոսքով, ստեղծագործությունը 2005-ին և 2011-ին Հայաստան կատարած ուղևորությունների ընթացքում նրա ստացած տպավորությունների, ինչպես նաև Հայաստանից Ֆրանսիա տեղափոխված հայերի հետ զրույցների հանրագումարն է: «Ցիրուցան» բեմադրության առանցքում արտագաղթի, հեղինակի բնորոշմամբ՝ ցիրուցան եղած ազգի խնդիրներն են:
Ներկայացման հայաստանյան առաջնախաղին ներկա կլինի նաև Սենթ-Էտյենի քաղաքապետը: «Հայաստանը տեսնելու մեծ ցանկություն ունեին ոչ միայն քաղաքապետը, այլև մեր թատերախմբի բոլոր դերասանները»,-ասում է Էդմոն Անեմյանը:
