07.09.2026 | 13:01
Այսօր՝ անձրև և ամպրոպ, վաղվանից՝ առանց տեղումների եղանակ
Թուրքիայի հայկական դպրոցներում նախորդ տարիների համեմատ աշակերտների թիվը նվազել է
Քաղաքականություն
15.09.2025 | 23:07
Այս տարի Թուրքիայի հայկական դպրոցներ էլ ընդունվել 421 նոր աշակերտ։ Անցյալ տարի հայկական դպրոցներում աշակերտների թիվը կազմել է 2695, իսկ նոր ընդունված աշակերտների թիվը՝ 429։
Agos—ի հաղորդմամբ՝ դպրոցական ուսումնական տարվա մեկնարկի հետ մեկտեղ հայտարարվել է նաև հայկական դպրոցներում աշակերտների թիվը։ Դպրոցներից ստացված տեղեկատվության համաձայն՝ այս տարի հայկական դպրոցներում աշակերտների թիվը կազմում է 2686։ Այս աշակերտներից 2088-ը կհաճախեն նախադպրոցական, տարրական և միջնակարգ դպրոցներ, իսկ 598-ը՝ ավագ դպրոցներ։
Լրատվամիջոցը գրում է, որ հայկական դպրոցներում սովորող աշակերտների թվի նվազումը շարունակվում է վերջին տարիներին։ 2021-2022 ուսումնական տարում հայկական դպրոցներ է հաճախել 3016 աշակերտ։ 2022-2023 ուսումնական տարում այս թիվը նվազել է մինչև 2865-ի։
2023-2024 ուսումնական տարում հայկական դպրոցներում սովորում էր 2795 աշակերտ։ Անցյալ տարի սովորող աշակերտների թիվը կազմել է 2695․մինչդեռ նոր ընդունված աշակերտների թիվը կազմել է 429։
Թարգմանությունը՝ Էմմա Չոբանյանի
