20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Լեզվակռիվ ԱԺ-ում` Հրաչյա Հակոբյանի և Արցախից բռնի տեղահանված լրագրողի միջև․ ՏԵՍԱՆՅՈՒԹ
Հասարակություն
08.09.2025 | 14:53
«Մենք ոչ մի տարածք չենք տվել Ադրբեջանին, եթե Սյունիքի այդ ճանապարհը վերահսկվելու է Հայաստանի Հանրապետության օրենքներով, դուք համարում եք, որ այդ ճանապարհը մենք տվե՞լ ենք»,-ԱԺ-ում լրագրողների հետ զրույցում նշեց ՔՊ խմբակցության պատգամավոր Հրաչյա Հակոբյանը։
Անդրադառնալով արցախցիների վերադարձի հնարավորությանը, նա ասաց. «Այն ժամանակ իրենց ասում էինք՝ դուրս մի՛ եկեք Ղարաբաղից, ասում էին՝ մեզ չեն թողնում գանք Հայաստան, հիմա եկել են Հայաստան, ասում են՝ չեք թողնում վերադառնանք Արցախ»։
Դիտարկմանը, թե ինչպես կարող են արցախցիներն ապրել ադրբեջանցիների հետ, Հակոբյանն ասաց. «Բա հիմա ինչո՞ւ եք ուզում վերադառնալ Արցախ։ Մենք էլ էինք ուզում, որ իրենք ապրեն անվտանգ, դրա համար ասում էինք՝ գնացեք բանակցեք ադրբեջանցիների հետ, բայց ոչ վերջում հասցնել այն փուլին, որ Եվլախում ստորագրեն Արցախի լուծարման փաստաթուղթ։
Իրենք իրենց որոշել են՝ ինչ պետք է ստորագրվի, ստորագրել են։ Նիկոլ Փաշինյանին ոչ մի դրույթ չի առաջարկել»։
Հարցին՝ չի կարծո՞ւմ, որ եթե Հայաստանի վարչապետը Պրահայում չճանաչեր Արցախն Ադրբեջանի կազմում, գուցե իրավիճակն այդքան չվատանար, նա պատասխանեց. «Չէ՛, չեմ կարծում»։
Մանրամասները՝ տեսանյութում։
Նարեկ Կիրակոսյան
