27.10.2026 | 11:44
2 կոմիտեների անվանումները կփոխվեն․ ՏԵՍԱՆՅՈՒԹ
ԱՄՆ-ում ՀՀ դեսպան Նարեկ Մկրտչյանի եղբորը մեղադրանք է ներկայացվել, նրա նկատմամբ խափանման միջոց է ընտրվել տնային կալանքը
Հասարակություն
06.09.2025 | 13:11
ԱՄՆ-ում ՀՀ դեսպան Նարեկ Մկրտչյանի եղբորը՝ Մկրտիչ Մկրտչյանին մեղադրանք է ներկայացվել, նա տնային կալանքի տակ է: Այս մասին Factor TV-ին ասաց Մկրտչյանի փաստաբան Գեղամ Հակոբյանը:
Քննչական կոմիտեից հայտնում են, որ Մկրտիչ Մկրտչյանին առնչվող դեպքի առթիվ նախաձեռնված քրեական վարույթի նախաքննության ընթացքում մեղադրանք է ներկայացվել 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը ): Բացի տնային կալանքից Մկրտչյանի նկատմամբ նաև գրավ ու բացակայելու արգելք է կիրառվել:
Հիշեցնենք, որ Նարեկ Մկրտչյանի եղբորը ձերբակալել էին ոստիկանները: Նրա մեքենայում գտնվող անձն, ըստ պաշտոնական տեղեկատվության, մեքենայից դուրս է նետել թմրամիջոցի նմանվող զանգված ու դիմել փախուստի: Ինչպես պարզ է դառնում ՔԿ-ի տվյալներից, Մկրտչյանի նկատմամբ թմրանյութի ապօրինի շրջանառության մասով մեղադրանք չկա:
Արաքս Մամուլյան
