20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ումի՞ց ես անկախ՝ համաշխարհայի գրականությունի՞ց. ապաքաղաքական զրույց Փարավոն Միրզոյանի հետ. ՏԵՍԱՆՅՈՒԹ
Հաղորդաշարեր
07.09.2025 | 21:00
Factor TV-ի A-politic հաղորդաշարի հյուրն է ՀՀ ժողովրդական նկարիչ Փարավոն Միրզոյանը: Նրա կարծիքով, թե՛ արվեստում, թե՛ առօրյա կյանքում մենք մինչև վերջ չենք հասկացել անկախության իմաստը: Ըստ արվեստագետի, կարևոր է գիտակցել, թե ինչից ես դու անկախանում և ինչ ես դու պատրաստվում անել այդ անկախության հետ. համաշխարհային և ազգային մշակույթից անկախ լինելը որևէ լավ տեղ չի տանում:
Փարավոն Միրզոյանն իր ստեղծագործության մեջ անդրադառնում է հավերժական թեմաների, որնցից են աստվածաշնչյան սյուժեները: Նա ուշադրություն է հրավիրում այն հանգամանքի վրա, որ «Վերջին ընթրիքը» կտավում չի պատկերել Քրիստոսի դիմագծերը: Ասում է՝ իտալացին Քրիստոսին պատկերում է իտալացու նման, հոլանդացին՝ հոլանդացու, այդպիսով կորչում է կերպարի ունիվեսալիզմը:
Անդրադառնալով մեկ այլ «հավերժ» թեմայի՝ էրոտիկային, արվեստագետը համոզմունք է հայտնում, որ, անկախ թեմայից, ստեղծագործության հիմքում պետք է դրված լինի սերը, որը միավորում է հոգևոր և ֆիզիկական սկզբունքները: «Եթե չես սիրահարվում, ապա չես կարող ո՛չ ստեղծագործել, ո՛չ էլ ապրել», – ասում է Փարավոն Միրզոյանը:
Զրույցն ամբողջությամբ՝ տեսանյութում:
Արամ Աբրահամյան
