04.08.2026 | 15:28
Ֆլիկը չի բացառել, որ Յամալի խաղային դիրքը կարող է փոխվել «Բարսելոնայում»
ՊԵԿ նախկին նախագահ Վարդան Հարությունյանը կմնա կալանքի տակ
Հասարակություն
01.09.2025 | 17:35
ՊԵԿ նախկին նախագահ Վարդան Հարությունյանը կշարունակի մնալ կալանքի տակ։ Նման որոշում է կայացրել Հակակոռուպցիոն վերաքննիչ դատարանը, Factor TV-ին հայտնեց Հարությունյանի փաստաբան Արմեն Անդրիկյանը։
Նշենք, որ դատարանը, նախագահությամբ դատավոր Կարեն Ամիրյանի, գրավոր ընթացակարգով է քննել Վարդան Հարությունյանի կալանքի դեմ բողոքը և որոշման հրապարակման օր նշանակել սեպտեմբերի 1-ը։
Հարությունյանը կալանավորվել է օգոստոսի 8-ին, նրան մեղադրում են ձեռնարկատիրական գործունեությանն ապօրինի մասնակցության, հակամրցակցային գործունեության և փողերի լվացման մեջ, մեղադրանքը չի ընդունում։ Նրա պաշտպաններն ավելի վաղ հայտարարություն են տարածել այն մասին, որ իրավապահ մարմինները փորձում են «վերակենդանացնեն» գործը՝ արդեն իսկ կարճված վարույթի նյութերի հիման վրա։
«Մեղադրանքի հիմքում դրված բոլոր հանգամանքները նախկինում արդեն իսկ ստուգվել են և քննությունն ավարտվել է վարույթի կարճմամբ»,- հայտնել են փաստաբանները։
Արաքս Մամուլյան
