Քաղաքական կոնսուլտացիաները մերժելով՝ վտանգում եք հետագա զարգացումները․ Խոսրով Հարությունյան․ ՏԵՍԱՆՅՈՒԹ

Ազգային ժողովի արտահերթ նիստում քննարկվում է Ընտրական օրենսգրքի փոփոխությունների նախագիծը, որը Կառավարությունն առաջարկում է քննարկել 24-ժամյա ռեժիմով և ընդունել առաջին և երկրորդ ընթերցմամբ։

Հարցի հիմնական զեկուցող արդարադատության նախարարի ժամանակավոր պաշտոնակատար Արտակ Զեյնալյանին ԱԺ ՀՀԿ խմբակցության պատգամավոր Խոսրով Հարությունյանը հարցրեց․ «Դուք ասում եք, որ պատրաստ եք քննարկել ցանկացած ողջամիտ առաջարկություն, որը կնպաստի ԸՕ-ի բարելավմանը։ Հիմա այդ քննարկումներն արդյոք կարելի՞ է կատարել 24-ժամյա ռեժիմում, չե՞ք գտնում, որ այս շտապողականությունը ոչ միայն չի նպաստելու օրենսգրքի բարելավմանը, այլ նաև հնարավորություն չի տալու քաղաքական ուժերին դիրքորոշում հայտնել։ Ի՞նչն է խանգարում, որ առաջին ընթերցումից հետո մենք վերցնենք 2-3 օր, հնչեցնենք առաջարկություններ և քննարկենք․ հավատացե՛ք, այս փուլում շատ կարևոր է քաղաքական  կոնսուլտացիաների անցկացումը, և դուք այս հնարավությունը մերժելով՝ վտանգում եք հետագա զարգացումները»:

Ի պատասխան՝ Արտակ Զեյնալյանը նկատեց․ «Մենք սոփեստաբար տրամադրված չենք, և այս 24-ժամյա ռեժիմը զուտ տեխնիկական հաշվարկի արդյունք է»։

Արդարադատության նախարարի ժամանակավոր պաշտոնակատարը նաև նշեց, որ իրենք կքննակեն 2 կամ 3 օր հետո երկրորդ ընթերցումն իրականացնելու հարցը, ինչը հնարավորություն կտա պատգամավորներին կատարել իրենց սահմանադրական պարտականությունները։

Մանրամասները՝ տեսանյութում։