04.10.2026 | 13:29
Բեռլինը Ուկրաինային զենքի և էներգետիկայի համար 1,35 միլիարդ եվրո կհատկացնի
Բաքվում Արցախի ղեկավարների շինծու գործերով նիստում «տուժողներն» են ցուցմունք տալիս
Քաղաքականություն
25.08.2025 | 20:12
Բաքվի զինվորական դատարանում ընթանում է Արցախի ղեկավարների և այլ պաշտոնյաների՝ ընդհանուր 15 անձի նկատմամբ հարուցված շինծու գործերով հերթական դատական նիստը։ Ադրբեջանական լրատվամիջոցների հաղորդմամբ՝ «տուժող» Սաբիր Գուլիևը հայտարարել է, որ, իբր, «Շուշիի օկուպացիայի ժամանակ խաղաղ բնակչությանը մարդասիրական միջանցք չի տրամադրվել»։
Գուլիևը նշել է, որ ինքը Գոյթալա գյուղի բնակիչ է։ Նրա խոսքով՝ 1992 թվականի մայիսի սկզբին քաղաքը գրավվել է Հայաստանի զինված ուժերի կողմից, և ինքը դարձել է հարկադիր տեղահանված։
«Իմ զարմիկներ Թահիր և Ռաֆայել Գուլիևները մահացել են։ Թահիր Գուլիևի մարմինը մինչ օրս չի հայտնաբերվել։ Շուշիի օկուպացիայի ժամանակ հայկական կողմը խաղաղ բնակչությանը մարդասիրական միջանցք չի տրամադրել։ Երբ մենք անցանք Լաչինով, մեզ վրա հրետանային կրակ բացեցին Գորիսի կողմից։ Այնտեղ մի տարեց կին է մահացել»,- ասել է նա։
Նա նաև ասել է, թե, իբր, «հողերն օկուպացիայից ազատագրելուց հետո այցելել է հոր գերեզմանին, և այն ավերված է գտել»։
Դատական նիստը շարունակվում է։
Թարգմանությունը՝ Էմմա Չոբանյանի
