20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Ես Միքայել արքեպիսկոպոս Աջապահյանն եմ, խնդրում եմ ինձ այդպես դիմել․ ՏԵՍԱՆՅՈՒԹ
Հասարակություն
15.08.2025 | 15:07
Երևանի քրեական դատարանը, նախագահությամբ դատավոր Արմինե Մելիքսեթյանի, քննում է Հայ Առաքելական եկեղեցու Շիրակի թեմի առաջնորդ Միքայել Արքեպիսկոպոս Աջապահյանի գործը: Դատական նիստի մեկնարկին մեղադրյալի ինքնությունը ճշտելիս դատավորը նրան դիմեց Գևորգ Աջապահյան անուն-ազգանունով։
«Ես Միքայել արքեպիսկոպոս Աջապահյանն եմ, խնդրում եմ ինձ այդպես դիմեք»,- դատավորին դիմելով՝ ասաց Աջապահյանը՝ նկատի ունենալով, որ իր քաղաքացիական անունն է Գևորգ:
Այսօրվա նիստի ընթացքում, դատավորի ու հանրային մեղադրողների բացարկի հարցերը լուծելուց հետո, սրբազանի պաշտպաններից Արա Զոհրաբյանը միջնորդեց փոխել նախնական դատալսումների ընթացքում քննության ենթակա հարցերի հաջորդականությունը և նախ քննության առարկա դարձնել Միքայել արքեպիսկոպոս Աջապահյանի խափանման միջոցի հարցը: Դատարանը բավարարեց միջնորդությունը:
Մեղադրող Վահան Հարությունյանը միջնորդեց երկարացնել սրբազանի կալանքի ժամկետը, մինչդեռ պաշտպաններից Երեմ Սարգսյանը դիրքորոշում հայտնեց, որ կալանքի հիմք չկա: Սարգսյանը նշեց, որ քննիչները պատշաճ ջանասիրություն չեն ցուցաբերել անազատության մեջ գտնվող սրբազանի գործը քննելու ուղղությամբ: Ներկայացնելով Միքայել արքեպիսկոպոս Աջապահյանին ձերբակալելուց մինչև գործը դատարան ուղարկելու ժամանակահատվածը՝ Սարգսյանը նշեց, որ, ընդհանուր առմամբ, 4 քննիչից բաղկացած խումբը 14 ժամ է աշխատել։
«25 օր կալանքի տակ պահել են, որ 4 քննիչով 14 ժամ աշխատեն»,- ասաց Երեմ Սարգսյանը՝ միջնորդելով ազատ արձակել սրբազանին:
Մանրամասները՝ տեսանյութում։
Արաքս Մամուլյան
