19.02.2026 | 16:06
Ուկրաինայի ԶՈՒ հարձակումներից հետո Բելգորոդում և հարակից շրջանում էլեկտրաէներգիայի անջատումներ են
Կիբեռսպառնալիքներն ահագնանում են, օրենսդրությունը խաղի կանոններ կսահմանի․ ԲՏԱ նախարար․ ՏԵՍԱՆՅՈՒԹ
14.08.2025 | 12:44
Կիբեռհանցագործությունների, կիբեռմիջադեպերի բացահայտման նպատակով կստեղծվի տեղեկատվական համակարգերի կարգավորման մարմին, այս մասին կառավարության նիստին տեղեկացրեց ԲՏԱ նախարար Մխիթար Հայրապետյանը։
Նրա խոսքով՝ նոր մարմինն ունենալու է հանձնաժողով, որի անդամներն ընտրվելու են ԱԺ-ի կողմից:
«Կիբեռմիջադեպերի բացահայտմամբ է զբաղվելու այս մարմինը, փորձելու են կանխարգելել կիբեռմիջադեպերը, իսկ արդեն կիբեռմիջադեպերի առկայության պարագայում, հնարավորինս արագ համագործակցելով պետական գերատեսչությունների, իսկ մասնավոր հատվածի պարագայում՝ մասնավոր ընկերությունների ներքին համակարգերն աշխատեցնող, կիբեռանվտանգային ծառայություններ մատուցող ընկերությունների հետ, նվազեցնելու է կիբեռմիջադեպերի կողմից հասցված վնասները: Այսինքն՝ հիմնական առաքելությունը պետական ապարատի համար այն է, որ այս մարմինը լինելու է անվտանգային գործառնությունների կենտրոն»,- մանրամասնեց նախարարը։
Հայրապետյանը նշեց, որ աշխարհում կիբեռսպառնալիքներն ահագնանում են, օրենքը խաղի կանոններ կսահմանի։
ԲՏԱ նախարարը նաև հավելեց, որ նոր օրենսդրությամբ ակնկալվում է պետական ապարատի տեղեկատվական համակարգերի ստերիլիզացում, լինելու են շտեմարաններ։
Մանրամասները՝ տեսանյութում։
