12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Լավ արդյունքների դեպքում փող ենք տալիս, վատի դեպքում՝ անում ենք անհրաժեշտ միջամտություն․ ԿԳՄՍ նախարար․ ՏԵՍԱՆՅՈՒԹ
Հասարակություն
14.08.2025 | 12:22
Ներդրվում է բարձր կատարողականի արդյունք ունեցող ուսումնական կենտրոններին խրախուսելու կարգ, այս մասին կառավարության նիստում ասաց ԿԳՄՍ նախարար Ժաննա Անդրեասյանը։ Ըստ նրա՝ դա նպատ ունի դպրոցներում խթանել բարձր առաջադիմությունն ու գերազանցությունը։ Նախարարը մանրամասնեց, որ առաջին հերթին կխարուսվեն բարձր առաջադիմություն ունեցող դպրոցները։
«Բարձր կատարողական ցուցաբերած դպրոցներին մրցութային հիմունքներով նախատեսում ենք տրամադրել լրացուցիչ ֆինանսավորում տարեկան մինչև 10 մլն դրամի չափով, որը կարող է ուղղվել ընթացիկ ծախսերին։ Անհրաժեշտ օգնություն կցուցաբերի այն դպրոցներին, որոնք չունեն բավարար արդյունքներ։ Այդ դպրոցներում մենք պետք է մտահոգություն ունենանք մեր երախաներին տրվող կրթության որակի նկատմամբ»,- մանրամասնեց Անդրեասյանը։
Քննարկման ժամանակ Անդրեասյանին արձագանքեց Արտաքին գործերի նախարար Արարատ Միրզոյանը․ «Ստացվում է, որ լավ արդյունքներ ունեցող դպրոցներին փող ենք տալիս, իսկ վատ արդյունք ունեցող դպրոցներին փող ենք տալիս»։
ԿԳՄՍ նախարարն էլ բացատրեց, որ լավ արդյունքների դեպքում փող են տալիս, որպեսզի նոր և լավ բաներ անեն, իսկ վատ արդյունքների դեպքում արվում է անհրաժեշտ միջամտություն, որպեսզի այդտեղ ստանան միջավայր, որի կարիքը կա։
Նախարարի խոսքով՝ փորձը ցույց է տալիս, որ այն դպրոցները, որոնք ունեն վատ արդյունքներ, սովորաբար ունեն նաև արտաքին աջակցության կարիք։ Ըստ Անդրեասյանի՝ ներքին ռեսուրսը բավարար չէ, որպեսզի կարողանան հաղթահարել այդ դժվարությունները։
Մանրամասները՝ տեսանյութում։
