17.04.2026 | 21:54
Վրաստանի, Հայաստանի և Ադրբեջանի միջև համագործակցությունն ընդլայնվում է. Հաջիև
«Ժոնգթոնգ» ավտոբուսների արանքում մնացած վարորդի վիրահատության առաջին փուլը բարեհաջող ավարտվել է․ խոսնակ
Հասարակություն
13.08.2025 | 17:02
Երևանի ավտոբուս ՓԲԸ-ի մամուլի խոսնակ Գեղամ Ասատրյանը տեղեկացնում է, որ օգոստոսի 11-ին երկու «Ժոնգթոնգ» մակնիշի տրանսպորտային միջոցների արանքում մնացած թիվ 7 երթուղին սպասարկող վարորդի վիրահատության առաջին փուլը քիչ առաջ բարեհաջող ավարտվել է։
«Շուտափույթ ապաքինում ենք մաղթում մեր աշխատակցին»,- գրել է խոսնակը։
Ավելի վաղ տեղեկացրել էինք, որ Երևանի Տիգրան Մեծի պողոտայում` 7 համարի երթուղու վերջնակետում, վարորդներից մեկը, անզգուշությամբ չի գործարկել մեքենայի` ձեռքի արգելակման համակարգը, ինչի հետևանքով մեքենան հարվածել է մյուս կայանված մեքենային։
Վարորդը փորձ է արել կանգնեցնելու մեքենայի ընթացքը և այդ ընթացքում մնացել է երկու մեքենաների արանքում։ Տեղում հավաքված քաղաքացիների և մյուս մեքենայի վարորդի օգնությամբ վարորդը դուրս է բերվել և Շտապօգնության ծառայությամբ տեղափոխվել բժշկական կենտրոններից մեկը։
