22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Երկրորդ տարին կամավոր ատեստավորումը չհաղթահարած ուսուցիչները չեն շարունակի իրենց գործունեությունը դպրոցում
Հասարակություն
13.08.2025 | 15:22
Կամավոր ատեստավորումը երկրորդ տարին չհաղթահարած ուսուցիչները չեն կարողանա շարունակել իրենց գործունեությունը դպրոցում:
«Արմենպրես»-ի հաղորդմամբ՝ այս մասին հայտնել է ԿԳՄՍ նախարարի տեղակալ Արաքսիա Սվաջյանը՝ պատասխանելով ուսուցիչներից նախապես ստացված հարցերին:
«Թե՛ «Հանրակրթության մասին» օրենքով, թե՛ համապատասխան ենթաօրենսդրական ակտերով արձանագրված է, որ բոլոր այն ուսուցիչները, որոնք երկրորդ տարին չեն հաղթահարի կամավոր ատեստավորումը, չեն կարողանա շարունակել իրենց գործունեությունը դպրոցում: Բնականաբար, նոր մրցույթների էլ մասնակցել չեն կարող, որովհետև մրցույթի կարգում էլ է նշված, որ մրցույթի դիմելու դեպքում տնօրենը պիտի ստուգի՝ այդ ուսուցիչը կամավոր ատեստավորման չհաղթահարման նախադեպ ունեցե՞լ է, թե՞ ոչ»,- ասել է նա:
Նախարարի տեղակալը նշել է, որ կամավոր ատեստավորման գործընթացն այս տարի կանցկացվի նոյեմբեր ամսվա ընթացքում, առաջիկա օրերին հաստատված ժամանակացույցը կհրապարակվի:
