23.04.2026 | 16:10
Ինչի՞ ա դժվար խոստովանել, որ մենք ինչ-որ բան չգիտենք. Փաշինյան․ ՏԵՍԱՆՅՈՒԹ
670 միլիոն դրամի բռնագանձման պահանջ՝ Քոչարյանից և մյուսներից «Մարտի 1-ի» զոհերի ընտանիքներին տրված փոխհատուցման գործով
Հասարակություն
12.08.2025 | 12:09
Գլխավոր դատախազությունը պահանջում է ՀՀ երկրորդ նախագահ Ռոբերտ Քոչարյանից և մյուսներից բռնագանձել «Մարտի 1-ի» զոհերի ընտանիքներին և տուժածներին տրամադրված 670 միլիոն դրամը։ Այս մասին Factor.am-ը տեղեկանում է «Դատալեքս» դատական տեղեկատվական համակարգից։
Հայցադիմումը ստացվել է օգոստոսի 11-ին և մակագրվել Հակակոռուպցիոն դատարանի դատավոր Աշխեն Ղարսլյանին։
Այսպիսով՝ Գլխավոր դատախազությունը պահանջում է ՀՀ երկրորդ նախագահ Ռոբերտ Քոչարյանից, նախկին փոխվարչապետ Արմեն Գևորգյանից, ՊՆ զինված ուժերի գլխավոր շտաբի նախկին պետ Սեյրան Օհանյանից և պաշտպանության նախարարի նախկին տեղակալ Յուրի Խաչատուրովից հետադարձ պահանջով՝ համապարտության կարգով, բռնագանձել Հայաստանի Հանրապետության կողմից հատուցված 670 000 000 դրամ վնասը։
Հիշեցնենք, որ 2008 թվականի նախագահական ընտրություններին հաջորդել էին բողոքի ակցիաներ, որոնց ընթացքում իրավապահներն ուժ էին կիրառել, նաև՝ մարտական փամփուշտներ։ Մարտի 1-ի և 2-ի իրադարձությունների հետևանքով զոհվել էր 10 անձ, այդ թվում՝ ոստիկանության երկու ծառայող։
