19.02.2026 | 16:26
«Նոայի» ֆուտբոլային կոմիքսն ու «ԱԶ Ալկմարի» տեսաանդրադարձը Երևանին․ ՏԵՍԱՆՅՈՒԹ
Հռոմի պապ Լևոն XIV-ը ողջունել է Վաշինգտոնում Հայաստանի և Ադրբեջանի միջև համաձայնագրի ձեռքբերումը
10.08.2025 | 15:40
Հռոմի պապը հույս ունի, որ այն կնպաստի Կովկասում խաղաղությանը, հաղորդում է Vatican News-ը:
«Շնորհավորում եմ Հայաստանին և Ադրբեջանին խաղաղության մասին համատեղ համաձայնագրի կնքման կապակցությամբ։ Ես հույս ունեմ, որ այս իրադարձությունը կարող է նպաստել Հարավային Կովկասում կայուն և տևական խաղաղությանը», – հայտարարել է Հռոմի պապը Սուրբ Պետրոսի հրապարակում ավանդական կիրակնօրյա քարոզի ավարտից հետո:
Հիշեցնենք՝ Սպիտակ տանը տեղի ունեցած Հայաստանի Հանրապետության վարչապետ Նիկոլ Փաշինյանի և Ամերիկայի Միացյալ Նահանգների նախագահ Դոնալդ Թրամփի հանդիպմանը երկու երկրների առաջորդները ստորագրել են Փոխըմբռնման հուշագրեր:
Մասնավորապես, ստորագրվել են.
Փոխըմբռնման հուշագիր Հայաստանի Հանրապետության Կառավարության և Ամերիկայի Միացյալ Նահանգների Կառավարության միջև «Խաղաղության խաչմերուկ» նախագծի կարողությունների զարգացման ոլորտում գործընկերության մասին,
Փոխըմբռնման հուշագիր Հայաստանի Հանրապետության Կառավարության և Ամերիկայի Միացյալ Նահանգների Կառավարության միջև արհեստական բանականության և կիսահաղորդիչների ոլորտում նորարարական գործընկերության մասին,
Փոխըմբռնման հուշագիր Հայաստանի Հանրապետության Կառավարության և Ամերիկայի Միացյալ Նահանգների Կառավարության միջև էներգետիկ անվտանգության ոլորտում գործընկերության մասին:
Նիկոլ Փաշինյանը և Դոնալդ Թրամփը քննարկել են նաև Հայաստան-ԱՄՆ հարաբերությունների հետևողական զարգացմանն ու ընդլայնմանը վերաբերող հարցեր:
