12.01.2026 | 10:33
Վաշինգտոնի Ազգային տաճարում ԱՄՆ-ում ՀՀ դեսպանությունը հանդիսավոր ընդունելություն է կազմակերպել․ ԼՈՒՍԱՆԿԱՐՆԵՐ
Ովքեր են Փաշինյանի հետ մեկնել ԱՄՆ
Քաղաքականություն
08.08.2025 | 12:21
ՀՀ վարչապետ Նիկոլ Փաշինյանն աշխատանքային այցով ԱՄՆ-ում է։ Այսօր երեկոյան՝ Երևանի ժամանակով 22:00-ից մեկնարկելու է ԱՄՆ նախագահ Դոնալդ Թրամփի հետ երկկողմ, իսկ հետո արդեն Ալիևի մասնակցությամբ եռակողմ հանդիպումը։
Factor TV-ին ավելի վաղ հղում անելով իր աղբյուրներին նշել էր, որ Վաշինգտոնում 3 փաստաթուղթ է ստորագրվելու, որոնք առնչվում են հայ-ադրբեջանական խաղաղության պայմանագրին, ճանապարհների ապաշրջափակմանը և ԵԱՀԿ-Մինսկի խմբի լուծարմանը։
Ուշագրավ է, որ Փաշինյանի այցը մեկնարկել է, բայց կառավարության կայքում նրա գլխավորած պատվիրակության կազմը հրապարակված չէ։ Սովորաբար գործուղումների վերաբերյալ վարչապետի որոշումները հրապարակվում են այցից մեկ օր առաջ կամ այցի մեկնարկին զուգահեռ։
Նշենք նաև, որ Նիկոլ Փաշինյանը հուլիսի 28-ից արձակուրդում է, և այն պետք է շարունակվեր օգոստոսի 15-ը ներառյալ։ Պաշտոնական տեղեկություններ չկան վարչապետի արձակուրդն ընդհատելու և աշխատանքի վերադառնալու վերաբերյալ։ Փորձեցինք այս հարցերի առնչությամբ Փաշինյանի աշխատակազմից տեղեկություն ստանալ, բայց հեռախոսազանգերն անպատասխան մնացին։
Երեկ երեկոյան առաջին պաշտոնական հաղորդագրությունը հրապարակվեց Վաշինգտոնից։ Նիկոլ Փաշինյանն այցելել է Վաշինգտոնի Աստվածաշնչի թանգարան: Factor.am-ն ուսումնասիրել է վարչապետի աշխատակազմի հրապարակած տեսանյութերը և լուսանկարները և պարզել, թե ովքեր են նրա հետ մեկնել ԱՄՆ։
Այսպես՝ Փաշինյանից զատ պատվիրակության կազմում է ԱԳ նախարար Արարատ Միրզոյանը (այս մասին հայտնել էր նաև ԱԳՆ-ն), ԲՏԱ նախարար Մխիթար Հայրապետյանը, ԱԽ քարտուղար Արմեն Գրիգորյանը, ԱԺ ՔՊ խմբակցության ղեկավար Հայկ Կոնջորյանը, ԱՄՆ-ում ՀՀ դեսպան Լիլիթ Մակունցը, ԱԳ նախարարի տեղակալ Վահան Կոստանյանը, վարչապետի մամուլի խոսնակ Նազելի Բաղդասարյանը, ՀՀ ԱԳՆ մամուլի խոսնակ Անի Բադալյանը։
Նարեկ Կիրակոսյան
