04.08.2026 | 10:31
Ավարտվել է քրեական հեղինակության և ենթամշակույթ կրող խմբավորմանը մասնակցելու գործի նախաքննությունը․ ՔԿ
Պատմական օր կլինի Հայաստանի, Ադրբեջանի, ԱՄՆ-ի և աշխարհի համար. Թրամփը՝ վաշինգտոնյան հանդիպման մասին
Քաղաքականություն
08.08.2025 | 10:21
Անհամբեր սպասում եմ Ադրբեջանի նախագահ Իլհամ Ալիևին և Հայաստանի վարչապետ Նիկոլ Փաշինյանին վաղը Սպիտակ տանը հյուրընկալելուն՝ պատմական խաղաղության գագաթնաժողովի շրջանակում։ Իր Truth Social սոցցանցում այս մասին գրել է ԱՄՆ նախագահ Դոնալդ Թրամփը Վաշինգտոնում այսօր նախանշված հանդիպման նախաշեմին։
«Իմ վարչակազմը բավականին երկար ժամանակ աշխատել է երկու կողմերի հետ։ Վաղը նախագահ Ալիևը և վարչապետ Փաշինյանը կմիանան ինձ Սպիտակ տանը՝ խաղաղության պաշտոնական ստորագրման արարողության համար։ Միացյալ Նահանգները նաև երկկողմ համաձայնագրեր կստորագրի երկու երկրների հետ տնտեսական հնարավորությունները համատեղ զարգացնելու համար, որպեսզի ամբողջությամբ բացահայտենք Հարավային Կովկասի տարածաշրջանի ներուժը»,- Թրամփը։
Նա հավելել է՝ «սա պատմական օր կլինի Հայաստանի, Ադրբեջանի, Միացյալ Նահանգների և ԱՇԽԱՐՀԻ համար»։
Հիշեցնենք՝ այսօր Վաշինգտոնում նախատեսվում է ԱՄՆ նախագահի, Հայաստանի վարչապետի և Ադրբեջանի նախագահի հանդիպումը։ Դրանից հետո ակնկալվում է երեք երկրների ղեկավարների համատեղ հայտարարությունը։
Ըստ աղբյուրների՝ նախատեսվում է փաստաթղթերի ստորագրում։
