14.07.2026 | 22:47
Ռուսաստանը հույս ունի, որ Անկարան կոշտ ազդանշան կուղարկի Կիևին «Կապույտ հոսքի» վրա հարձակումների վերաբերյալ
Որոնք են Հայաստանի թոփ-5 առևտրային գործընկերները
06.08.2025 | 14:00
Հայաստանի արտաքին առևտրաշրջանառությունը 2025 թվականի հունվար-հունիսին նախորդ տարվա կիսամյակի համեմատ գրեթե կիսով չափ նվազել է։ Վիճակագրական կոմիտեի տվյալներով՝ անկումը կազմում է 45 %։ Սա առավելապես պայմանավորված է Ռուսաստանի հետ առևտրաշրջանառության 54․8 % անկմամբ, ընդ որում՝ հիմնականում պակասել է ներմուծումը, ոչ թե՝ արտահանումը։ Չնայած առտրաշրջանառության կրճատման՝ Ռուսաստանի հետ առևտրի տեսակարար կշիռն ամենամեծն է Հայաստանի ընդհանուր առևտրի ծավալի մեջ՝ 35․2%:
Ըստ փոխադարձ առևտրի ծավալների՝ Հայաստանի երկրորդ առևտրային գործընկերը Չինաստանն է՝ 12․4% ՀՀ առևտրաշրջանառության տեսակարար կշռում, որի հետ, սակայն, անցած կիսամյակում առևտրի աճի տեմպը նվազել է 15 %-ով։
Երրորդ տեղում ԵՄ-ն է՝ 12 %, որի հետ առևտրաշրաջանռությունն այս տարվա առաջին կիսամյակում ավելացել է 9․5 %-ով, սակայն ծավալային առումով այն եռակի պակաս է ՌԴ-ի համեմատ։
Չորրորդ տեղում Արաբական Միացյալ Էմիրություններն են՝ 11․7%։ ԱՄԷ-ի հետ Հայաստանի առևտուրը նույնպես կրճատվել է՝ եռակի։
Ըստ ծավալների՝ Հայաստանի 5-րդ առևտրային գործընկերն Իրանն է՝ 3․5%: Հայ-իրանական առևտրաշրջանառությունն անցած կիսամյակում ավելացել է 6%-ով։
Գայանե Խաչատրյան
