05.10.2026 | 21:14
Վարչապետը հյուրընկալել է մի խումբ ուսուցիչների և շնորհավորել մասնագիտական օրվա առթիվ
Հայաստանի մշտական բնակչությունը հուլիսի 1-ի դրությամբ կազմել է 3,084 մլն մարդ
Հասարակություն
06.08.2025 | 12:35
2025 թվականի հուլիսի 1-ի դրությամբ Հայաստանի մշտական բնակչությունը կազմել է 3,084 մլն մարդ, որից 1,974 մլն-ը բնակվում է քաղաքներում, 1,109 մլն-ը գյուղերում։ Տվյալները հրապարակել է Վիճակագրական կոմիտեն։
Նախորդ տարվա նույն ժամանակահատվածի համեմատ բնակչությունը աճել է 27 հազարով։ Քաղաքային բնակչությունն ավելացել է ավելի քան հազարով, իսկ գյուղերում՝ 25 հազարով։
Ըստ վիճակագրական տվյալների՝ Երևանում բնակվում է 1 ,143 մլն մարդ։ Ամենախիտ բնակեցված վարչական շրջանը Մալաթիա-Սեբաստիան է․ այստեղ բնակվում է 150,3 հազար մարդ։ Համեմատաբար քիչ բնակեցվածը Նուբարաշեն վարչական շրջանն է, որտեղ 11,2 հազար քաղաքացի է բնակվում։
Կոտայքի մարզը ամենախիտ բնակեցվածն է․ այստեղ ապրում է 294,9 հազար քաղաքացի, համեմատաբար քիչ բնակեցված մարզը Վայոց Ձորն է՝ 49,4 հազար բնակիչ։
Անի Թամրազյան
