21.09.2026 | 23:16
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Թեհրանը բողոքի նոտա է փոխանցել Բաքվին ադրբեջանական բանտերում իր քաղաքացիների նկատմամբ վերաբերմունքի հետ կապված
Քաղաքականություն
04.08.2025 | 21:42
Թեհրանը մտահոգիչ հաղորդագրություններ է ստացել Ադրբեջանի բանտերում Իրանի քաղաքացիների նկատմամբ բռնության մասին, ճեպազրույցում հայտարարել է Իրանի ԱԳՆ մամուլի խոսնակ Էսմայիլ Բաղային, գրում է Tasnim գործակալությունը։
«Սա կարևոր հարց է։ Մենք ստացել ենք տեղեկատվություն ադրբեջանական բանտերում կալանավորված քաղաքացիների նկատմամբ վատ վերաբերմունքի մասին։ Մենք մեր բողոքներն ու մտահոգությունները բազմաթիվ նոտաներով ուղարկել ենք Բաքվին։ Մարդու իրավունքների ոլորտում պարտավորություններին համապատասխան պատշաճ վերաբերմունքը մեր օրինական ակնկալիքն է: Հյուպատոսական իրավունքների մասին կոնվենցիան այս առումով շատ հստակ է»,- ասել է Բաղային Ադրբեջանում բանտարկված Իրանի քաղաքացիների նկատմամբ դաժան վերաբերմունքի վերաբերյալ հարցին ի պատասխան։
Նա հավելել է, որ Թեհրանը դատապարտված անձանց փոխանցման վերաբերյալ համաձայնագիր ունի Ադրբեջանի հետ, և այս հարցը գտնվում է ԱԳՆ-ի օրակարգում:
Թարգմանությունը՝ Էմմա Չոբանյանի
