15.12.2025 | 11:22
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
Աջապահյանի գործն ուղարկվել է դատարան
Հասարակություն
04.08.2025 | 14:12
Դատախազը հաստատել է Շիրակի թեմի առաջնորդ Միքայել արքեպիսկոպոս Աջապահյանի մեղադրանքն ու գործն ուղարկել դատարան:
Այս մասին Factor TV-ին հայտնում են Գլխավոր դատախազությունից:
Հիշեցնենք, որ Միքայել սրբազանի նկատմամբ քրեական հետապնդում է հարուցվել Քրեական օրենսգրքի 422-րդ հոդվածի 2-րդ մասով: Նրան մեղադրում են մոտ մեկուկես տարի առաջ Gala TV-ին տված հարցազրույցի ընթացքում իշխանությունը զավթելու կոչ անելու մեջ։ Մասնավորապես, ըստ գործի՝ Միքայել արքեպիսկոպոս Աջապահյանն ասել է, որ Հայաստանում պետք է «ռազամական հեղաշրջում» անել։
Այն բանից հետո, երբ մեղադրանք առաջադրվեց «Իրազեկ քաղաքացիների միավորում» հասարակական կազմակերպությունը հրապարակեց փաստաթուղթ, համաձայն որի՝ Միքայել Աջապահյանը 2023-ին տված մեկ այլ հարցազրույցում ևս հնչեցրել է նույն արտահայտությունները, սակայն Դատախազությունը համարել է, որ դրանում առկա չէ հանցակազմ։
Աջապահյանը հունիսի 28-ից անազատության մեջ է:
Արաքս Մամուլյան
