04.08.2026 | 18:35
Ինչպես ներդնել ավելի հեշտ ու պարբերաբար․ Ամերիաբանկը ներկայացրել է MyInvest-ի նոր հնարավորությունը
Ինչ է կատարվում մետրոյում․ խառնաշփոթ՝ թղթային տոմսերը հանելուց հետո
01.08.2025 | 18:25
Ուղևորները մետրո են մտնում և տարակուսում․ այսօրվանից վաճառից հանվել են մեկանգամյա օգտագործման QR ուղետոմսերը։ Օգոստոսի 1-ից Երևանի քաղաքապետարանը թե՛ վերգետնյա, թե՛ ստորգետնյա տրանսպորտով երթևեկողներին առաջարկում է վճարել միայն բջջային հավելվածի, բանկային կամ տրանսպորտային քարտերի միջոցով։
Չնայած քաղաքապետը դեռ մեկուկես ամիս առաջ էր տեղեկացրել, փոփոխությունների մասին, բայց պարզվեց, որ հանրային իրազեկումն այնքան էլ պատշաճ չի կատարվել։ Երթևեկողներից շատերին մետրոյի դրամարկղերում էին տեղեկացնում փոփոխության մասին։
Հանդիպեցինք նաև քաղաքացիների, որոնք մշտական ուղևորներ չեն, Երևանում չեն բնակվում, բայց մեկ անգամ երթևեկելու համար ստիպված ձեռք էին բերում տրանսպորտային քարտեր, որոնց արժեքը 500 դրամ է՝ մեկ անգամ անվճար երթևեկելու հնարավորությամբ։
Նոր փոփոխությունից անտեղյակ որոշ քաղաքացիներ էլ այսօր հրաժարվում էին հանրային տրանսպորտով երթևեկելու մտքից։ Արձանագրեցինք, որ միայն մեր նկարահանումների ժամանակ մի քանի քաղաքացիներ դժգոհ հեռացան մետրոյի դրամարկղի մոտից։
Մանրամասները՝ տեսանյութում։
Նարեկ Կիրակոսյան
