05.07.2026 | 12:11
Հուլիսի 6-ին Երկիրը կհասնի Արեգակից ամենահեռու կետին, իսկ նրա ուղեծրային արագությունը կնվազի մինչև տարվա նվազագույն արժեքը
Մեր հասարակությունը պատրաստ չէ պառլամենտական երկրի. Կարեն Քոչարյան
Քաղաքականություն
18.10.2018 | 17:54
Մեր երկրում պետք է վերականգնել կառավարման կիսանախագահական կարգը: Այսօր՝ հոկտեմբերի 18-ին լրագրողների հետ զրույցում նման կարծիք հայտնեց քաղտեխնոլոգ Կարեն Քոչարյանը:
«Մեր հասարակությունը գնում է ընտրությունների՝ ընտրելու ոչ թե կուսակցություններ, ոչ թե դասական պառլամենտ, այլ երկրի ղեկավար: Իսկ դա նշանակում է, որ մեր երկրում պետք է վերականգնել կիսանախագահական կառավարման կարգը: Մեր հասարակությունը պատրաստ չէ պառլամենտական երկրի: Հասարակության մենթալիտետը բավականին խորն է՝ սկսած ցարից. ցար են ուզեցել տեսնել, գեներալ-գուբերնատոր, նախագահ… ինչ ուզում եք՝ ասեք անունը, բայց անձ են ուզեցել տեսնել»,- ասաց քաղտեխնոլոգը:
Քոչարյանի կարծիքով՝ իշխանությունը՝ ի դեմս խորհրդարանի, ապրելու է մի տրամաբանությամբ, իսկ հասարակությունը՝ մեկ այլ:
«Հասարակությունն այսօր տեսնելու է Նիկոլ Փաշինյան, վաղը՝ Պողոս Պողոսյան, մյուս օրը՝ Գևորգ Գևորգյան: Չի տեսնելու այս կամ այն կուսակցությունը, որը լուծում է տալիս էներգետիկ, տնտեսական, անվտանգության, ներդրումների հարցերի»,- հավելեց Կարեն Քոչարյանը:
Մանրամասները՝ տեսանյութում
