14.09.2026 | 18:10
ԵՄ ներկայացուցիչը Երևանում է // Միացյալ Թագավորության երեք երկրներն անկախության գործընթաց կսկսեն․ ԼՈՒՐԵՐ
Թուրքիան շահագրգռված է, որ ՀՀ-ի և Ադրբեջանի միջև խաղաղության համաձայնագիրը հնարավորինս շուտ ստորագրվի․ Ռուբեն Սաֆրաստյան․ ՏԵՍԱՆՅՈՒԹ
Քաղաքականություն
30.07.2025 | 18:30
Ակնհայտ է, որ վերջին տարիներին Թուրքիայի քաղաքականությունը Հայաստանի հանդեպ փոխվել է, նշում է ակադեմիկոս, արևելագետ Ռուբեն Սաֆրաստյանը Factor TV-ի հետ զրույցում։
Նրա կարծիքով՝ դա արտահայտվում է Հարավային Կովկասում իր ազդեցությունն ամրապնդելու ռազմավարական հետաքրքրությունում, այն բանից հետո, երբ Ռուսաստանի ազդեցությունը վերջին հինգ տարիներին զգալի թուլացել է։ Հենց այդ պատճառով թուրքական կողմը շահագրգռված է, որ Հայաստանի և Ադրբեջանի միջև խաղաղության համաձայնագիրը հնարավորինս շուտ ստորագրվի, շեշտում է արևելագետը՝ հավելելով, որ տարածաշրջանում թուրքական հաղորդակցային նախագծերը, այդ թվում՝ Կարս-Դիլուջա-Նախիջևան երկաթուղու շինարարությունը՝ հետագայում Ադրբեջանի հիմնական տարածք ելքով, նույն ռազմավարական նպատակն է հետապնդում։
Ըստ Ռուբեն Սաֆրաստյանի՝ արևմտյան միակ երկիրը, որը կարող է ազդել Հայաստանի հարցում Թուրքիայի վրա, ԱՄՆ-ն է։ Ընդ որում, Թուրքիայի հետ հարաբերություններն Արևմուտքի համար ավելի կարևոր են, քան Հայաստանի, և այս գործոնը բավական կայուն է։
Նա նաև կարծում է, որ Թուրքիայի հետ հարաբերությունների կարգավորումը Հայաստանի շահերից է բխում և կարող է երկիրը դուրս բերել տրանսպորտային մեկուսացումից։
Հարցազրույցն ամբողջությամբ՝ տեսանյութում։
Սամվել Մելիքսեթյան
