05.10.2026 | 21:50
Ռուբիոն ու Բայրամովը հեռախոսազրույց են ունեցել
Մեղադրողը միջնորդեց երկրորդ անգամ հարցաքննել Պողոս Պողոսյանի սպանության գործով վկա Սթիվեն Նյուտոնին. ՏԵՍԱՆՅՈՒԹ
Հասարակություն
28.07.2025 | 17:26
Մեղադրողը միջնորդեց ևս մեկ անգամ դատակոչել ու հարցաքննել Պողոս Պողոսյանի սպանության գործով վկա Սթիվեն Նյուտոնին Երևանի քրեական դատարանում Կարեն Ֆարխոյանի նախագահությամբ այսօր շարունակվում է 2001 թվականին «Առագաստ» սրճարանում տեղի ունեցած սպանության գործի քննությունը:
Այսօր հանրային մեղադրող Ծովակ Մնացականյանը միջնորդեց ևս մեկ անգամ դատակոչել ու հարցաքննել սպանության գործով վկա Սթիվեն Նյուտոնին:
Նշենք, որ գործի քննության ընթացքում Նյուտոնը մեկ անգամ հարցաքննվել է դատարանում, հարցաքննությունը տևել է բավականին երկար ու շարունակվել անգամ աշխատանքային ժամի ավարտից հետո, սակայն, ըստ մեղադրողի, մի շարք հարցեր բավարար չափով չեն պարզաբանվել:
Նյուտոնի՝ Դատախազություն ուղարկած գրության, տված ցուցմունքների, «Ազատություն» ռադիոկայանին դեպքի վերաբերյալ տված հարցազրույցում հայտնած տեղեկությունների մեջ կան էական հակասություններ, որոնք պարզաբանման կարիք ունեն: Դատարանը որոշեց միջնորդությունը բավարարել:
Արաքս Մամուլյան
