07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ռոբերտ Քոչարյանը կուսակցություն կստեղծի և ընդդիմություն կդառնա. արտահերթ ընտրություններին նա չի մասնակցի
Քաղաքականություն
18.10.2018 | 13:40
Հայաստանի երկրորդ նախագահ Ռոբերտ Քոչարյանը պատրաստվում է կուսակցություն ստեղծել և ընդդիմություն դառնալ: «Եթե քաղաքականություն ես վերադառնում, հարկավոր է մտածել այդ մասին: Ընդդիմադիր դաշտում ես շատ լուրջ վակուում եմ տեսնում և կարծում եմ, որ հարկավոր է լրացնել այն՝ երկրի շահերից ելնելով»,- ՌԻԱ Նովոստիին տված հարցազրույցում ասել է Քոչարյանը՝ հավելելով, որ կուսակցության անվանումը կարևոր չէ, կարևորը մոտեցումներն են, որոնք պետք է հարմարեցվեն:
Իսկ արտահերթ խորհրդարանական ընտրություններին Ռոբերտ Քոչարյանը չի մասնակցի, քանի որ, պարզաբանել է, պարզապես չի հասցնի: «Ես անկուսակցական եմ: Դա նշանակում է, որ պետք է զրոյից կուսակցություն ստեղծեմ, ոչ թե նախկինում եղածը վերականգնեմ: Ընդ որում, կցանկանայի ընտրությունների գնալ նոր՝ թարմացված թիմով: Իհարկե, հարկավոր է նաև հին թիմից մարդկանց ներգրավել, որոնց գիտես, որոնց հետ աշխատել ես: Սակայն, ամեն դեպքում, հարկավոր է հենվել նոր սերնդի վրա, իսկ դրա համար ժամանակ է պետք»,- ասել է Ռոբերտ Քոչարյանը:
Նախկին նախագահը վստահեցրել է, որ չի ձգտում որևէ բարձր պաշտոն զբաղեցնել. «Եթե նման ձգտում ունենայի, 10 տարի մասնավոր կյանքով չէի ապրի: Իրադրությունն այնպես է զարգանում, որ քեզ ներքաշում է գործընթացների մեջ, որոնից չես կարող հրաժարվել՝ հաշվի առնելով կենսագրությունդ, բնավորությունդ ու դիրքորոշումդ»:
