14.05.2026 | 16:31
Հայտնի են Պրեմիեր լիգայի մրցաշրջանի լավագույն ֆուտբոլիստի ու մարզիչի հավակնորդները
ՀՀ-ի և Ադրբեջանի ինքնիշխան հարցն է․ Պեսկովը խոսել է, այսպես կոչված, «Զանգեզուրի միջանցքից»
Քաղաքականություն
24.07.2025 | 13:39
«Զանգեզուրի միջանցքի» հարցը Հայաստանի և Ադրբեջանի ինքնիշխան գործն է։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
«Հայաստանի և Ադրբեջանի ինքնիշխան գործն է։ Մենք ամեն կերպ աջակցում ենք Ադրբեջանի և Հայաստանի միջև բանակցություններին։ Մենք ցանկանում ենք, որ և՛ Բաքուն, և՛ Երևանը հնարավորինս շուտ հասնեն համաձայնագրի ստորագրմանը»,- լրագրողներին ասել է Պեսկովը։
Նա հավելել է, որ Ռուսաստանը պատրաստ է անհրաժեշտության դեպքում օգնել Հայաստանին և Ադրբեջանին խաղաղության համաձայնագրին հասնելու հարցում։
«Մենք ամեն կերպ աջակցում ենք Ադրբեջանի և Հայաստանի միջև բանակցություններին։ Կպահպանենք մեր պատրաստակամությունը, անհրաժեշտության դեպքում, եթե դրա պահանջարկը լինի, ցուցաբերել ցանկացած օգնություն այդ գործընթացին»,- նշել է Կրեմլի խոսնակը։
Ավելի վաղ ՀՀ կառավարությունը հերքել էր ադրբեջանական ու ռուսական տարբեր քարոզչական լրատվամիջոցների կողմից տարածվող տեղեկությունները, թե, իբր, Հայաստանը, Ադրբեջանը և Միացյալ Նահանգներն արդեն համաձայնության են եկել, այսպես կոչված, «Զանգեզուրի միջանցքի» վերաբերյալ փոխըմբռնման հուշագրի շուրջ։
Թարգմանությունը՝ Էմմա Չոբանյանի
