25.02.2026 | 10:18
NYMEX․ Ոսկու գինը նվազել է 0.94%-ով և կազմել 5155.80 դոլար
Զոհրաբ Մնացականյանը՝ ԱՄՆ դեսպանի հայտարարության մասին. ՏԵՍԱՆՅՈՒԹ
Քաղաքականություն
18.10.2018 | 12:06
Հայաստանի արտաքին գործերի նախարար Զոհրաբ Մնացականյանը որևէ խնդիր չի տեսնում, որ ՀԱՊԿ Խորհրդարանական վեհաժողովի նիստը որոշվել է Երևանից տեղափոխել Մոսկվա։
«Այս տեսակ հարցերին պետք է պրագմատիկ վերաբերել, որևէ խնդիր չենք տեսնում այս որոշման հետ կապված»,- Կառավարության նիստից հետո լրագրողների հետ ճեպազրույցում ասաց ԱԳ նախարարը:
Ավելի վաղ այս մասին հայտնել էր Պետդումայի ԱՊՀ, եվրասիական ինտեգրման և հայրենակիցների հետ կապերի հարցերով հանձնաժողովի նախագահ Լեոնիդ Կալաշնիկովը: Ըստ Կալաշնիկովի՝ որոշումը կապված է ՀՀ վարչապետ Նիկոլ Փաշինյանի հրաժարականի հետ: «Ամենայն հավանականությամբ, Հայաստանի խորհրդարանն այդ ժամանակ կլուծարվի: Եթե իրավիճակը դասավորվի այնպես, ինչպես մենք ենք այն տեսնում, ապա ո՞ւմ հետ անցկացնենք Խորհրդարանական վեհաժողովը: Ժամանակավոր պաշտոնակատարների՞: Դա անտրամաբանական է ու սխալ»,- պարզաբանել էր ռուս պաշտոնյան՝ նշելով՝ դա է պատճառը, որ ՀԱՊԿ ԽՎ-ը կանցկացվի Մոսկվայում:
Զոհրաբ Մնացականյանն անդրադարձավ նաև ԱՄՆ արդեն նախկին դեսպան Ռիչարդ Միլսի հայտաարարությանը՝ ընգդծելով, որ իրենց մոտեցումները բոլորին հայտնի է և որևէ փոփոխություն այդ առուով չկա:
Մանրամասները՝ տեսանյութում:
