05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Միքայել Աջապահյանի գործով նախաքննությունն ավարտվել է
Հասարակություն
23.07.2025 | 18:40
Իշխանությունը զավթելու կոչ անելու մեջ մեղադրվող Շիրակի թեմի առաջնորդ Միքայել արքեպիսկոպոս Աջապահյանի գործով նախաքննությունն ավարտվել է։ Այս մասին հայտարարություն է տարածել պաշտպանական թիմը։
«Քննիչը 23.07.2025թ. ծանուցմամբ Միքայել Սրբազանի պաշտպաններին տեղեկացրել է, որ նախաքննությունն ավարտվել է: Վարույթի նյութերի ծանոթացումը կազմակերպվելու է 24.07.2025թ.:
Քննիչը մեղադրական եզրակացությունը վարույթի նյութերի հետ միասին հսկող դատախազին է հանձնում:
Մեղադրական եզրակացությամբ վարույթի նյութերն ստանալուց հետո՝ յոթ օրվա ընթացքում, հսկող դատախազն ընդունելու է որոշում մեղադրական եզրակացությունը հաստատելու մասին, որից հետո վարույթի նյութերի հետ հանձնում է իրավասու դատարան:
Ստանալով քրեական գործը` դատավորը եռօրյա ժամկետում որոշում է կայացնում վարույթն ստանձնելու և նախնական դատալսումներ նշանակելու մասին:
Նախնական դատալսումներով առաջին դատական նիստը նշանակվում է վերը նշված որոշման կայացումից հետո՝ երկշաբաթյա ժամկետում:
Նախնական դատալսումների ընթացքում դատարանը քննարկման առարկա է դարձնում մինչդատական վարույթում մեղադրյալի նկատմամբ կիրառված խափանման միջոցը վերացնելու, փոխելու, դրա ժամկետը երկարաձգելու, իսկ եթե խափանման միջոց կիրառված չի եղել`այն կիրառելու հարցը:
Հիշեցնենք, որ Միքայել Աջապահյանը կալանավորվել է հունիսի 28-ին։ Նրան մեղադրում են մոտ մեկուկես տարի առաջ Gala TV-ին տված հարցազրույցի ընթացքում իշխանությունը զավթելու կոչ անելու մեջ։ Մասնավորապես, ըստ գործի՝ Միքայել արքեպիսկոպոս Աջապահյանն ասել է, որ Հայաստանում պետք է ռազամական հեղաշրջում անել։
Այն բանից հետո, երբ սրբազանին մեղադրանք է առաջադրվել Իրազեկ քաղաքացիների միավորում հասարակական կազմակերպությունը հրապարակել է փաստաթուղթ, համաձայն որի՝ Միքայել Աջապահյանը 2023-ին տված մեկ այլ հարցազրույցում ևս հնչեցրել է նույն արտահայտությունները, սակայն Դատախազությունը համարել է, որ դրանում առկա չէ հանցագործություն։
Արաքս Մամուլյան
