22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Երևան-Քիշնև չվերթն իրականացնող ինքնաթիռը տեխնիկական խնդրի պատճառով արտակարգ վայրէջք է կատարել
23.07.2025 | 15:16
«Fly one» ավիաընկերության Երևան-Քիշնև ինքնաթիռը թռիչքից կարճ ժամանակ անց վերադարձել է «Զվարթնոց» օդանավակայան՝ արտակարգ վայրէջք կատարելով։ Քաղավիացիայի կոմիտեի մամուլի խոսնակ Լիլիթ Աղաբեկյանը Factor.am-ի հետ զրույցում ասաց, որ պատճառը տեխնիկական խնդիրներն են եղել։
«Ինքնաթիռն օդ է բարձրացել, սակայն տեխնիկական խնդիրների առաջացման պատճառով թռիչքը երկար չի տևել։ Նախքան վայրէջքը ինքնաթիռը որոշ ժամանակ պտտվել է օդում՝ սպասելով, որ վառելիքը պակասի։ Եթե օդանավը ժամանակից շուտ պիտի վայրէջք կատարի, վառելիքի քանակ կա, որի պայմաններում հնարավոր չէ, դրա համար մի քիչ պտտվում են, որպեսզի վառելիքը պակասի և կարողանան վայրէջք կատարել»,- պարզաբանեց Աղաբեկյանը։
Նրա խոսքով՝ օդանավն անվնաս վայրէջք է կատարել Երևանում։
Արփի Հակոբյան
