25.08.2026 | 21:08
Հայաստանի հետ առևտրի կրճատումը ցնցումներ չի առաջացնի Ռուսաստանի և ԵՏՄ-ի համար․ ՌԴ ԱԳՆ
Ինչ նպատակով է ՀԷՑ-ում պետական կառավարիչ նշանակվել․ Կառավարությունն արձագանքել է Ստոկհոլմի պալատի արբիտրաժային ինստիտուտի որոշմանը
Քաղաքականություն
23.07.2025 | 12:38
«Ստոկհոլմի առևտրային պալատի արբիտրաժային ինստիտուտի 22.07.2025թ. թիվ EA 2025/121 վճռի վերաբերյալ հայտնում ենք, որ հրատապ գործով քննված հարցերի (վեճի) շրջանակն այլ է, քան ժամանակավոր կառավարիչ նշանակելու որոշման նպատակները և վերջինիս կողմից իրականացվելիք գործողությունների շրջանակը»,- հայտարարել է ՀՀ Կառավարությունը։
«Մասնավորապես, ժամանակավոր կառավարչի նշանակմամբ հետապնդվող նպատակն է, ի թիվս այլնի,
- միտումնավոր եղանակով էներգետիկ ճգնաժամի ստեղծման ռիսկերի կանխարգելումը,
- հանրային կարգի ապահովումը, պետական անվտանգությանը սպառնացող հնարավոր ռիսկերի վերացումը,
- ՀԷՑ-ում տեղի ունեցած չարաշահումների քողարկման բացառումը և հետագա չարաշահումների կանխարգելումը:
Հարգանքով վերաբերվելով օտարերկրյա արբիտրաժների որոշումներով կիրառվող ապահովման միջոցներին, միևնույն ժամանակ բոլորը պարտավոր են առաջնորդվել նաև ՀՀ օրենսդրությամբ և միջազգային պայմանագրերով, որոնցով սահմանված են արբիտրաժային որոշումների ճանաչման և կատարման կարգերը և ընթացակարգերը»,- գրված է Կառավարության հայտարարության մեջ:
Հիշեցնենք, որ Սամվել Կարապետյանի պաշտպանության խորհուրդը հայտարարություն էր տարածել, որտեղ նշվում էր, որ հրատապ արբիտրաժը պարտավորեցրել է ՀՀ-ին ձեռնպահ մնալ ՀԷՑ-ում վերջերս ընդունված օրենքներով սահմանված դրույթների կիրառումից։
