20.08.2026 | 23:01
«Նոան» նոր գլխավոր մարզիչ ունի
Լրագրողների նկատմամբ ճնշումների՝ 36 և բռնության՝ 2 դեպք. ԽԱՊԿ-ն ամփոփեց 2-րդ եռամսյակը․ ՏԵՍԱՆՅՈՒԹ
22.07.2025 | 11:41
«ԶԼՄ-ների և դրանց աշխատակիցների նկատմամբ տարատեսակ ճնշումների թիվն այս տարվա երկրորդ եռամսյակում կազմել է 36 դեպք, 11-ով ավելի նախորդ եռամսյակից։ Գրանցվել է ֆիզիկական բռնության 2 դեպք, երկուսն էլ՝ իրավապահների կողմից»,- այս մասին հրավիրված մամուլի ասուլիսի ժամանակ ասաց ԽԱՊԿ ղեկավար Աշոտ Մելիքյանը՝ ամփոփելով անցնող տարվա երկրորդ եռամսյակը։
Նրա խոսքով՝ տեղեկություններ ստանալու և տարածելու իրավունքի խախտումների թիվը նախորդ եռամսյակի համեմատ աճել է 10-ով՝ հասնելով 39-ի.
«Ընդդեմ լրատվամիջոցների ու լրագրողների ներկայացված դատական նոր հայցերի թիվը 16 է, ինչը նախորդ եռամսյակի համեմատ 3-ով ավելի է։ Այդ բոլոր հայցերը վիրավորանքի ու զրպարտության հիմքով են, իսկ հայցվորները 6 գործով բիզնես միջավայրի ներկայացուցիչներ են, 3-ով՝ ներկա և նախկին պաշտոնյաներ, 2-ով՝ քաղաքական գործիչներ, 2-ով՝ առողջապահական ոլորտի ներկայացուցիչներ, 2-ով՝ քաղաքացիներ/ֆիզիկական անձինք, 1-ով՝ փաստաբան։ Ի դեպ, ընդդեմ լրագրողների և լրատվամիջոցների՝ տարբեր տարիների ներկայացված դատական հայցերով եռամսյակի ընթացքում կայացվել է 24 դատական ակտ։ Այդ թվում՝ վերջնականապես մերժվել է 3 հայց, բավարարվել՝ 3-ը, 1 գործ կարճվել է՝ պահանջն առարկայազուրկ դառնալու հիմքով։ Եվս 17 դատական ակտեր դեռևս ուժի մեջ չեն մտել կամ բողոքարկվել են վերադաս ատյաններում։ Այդ ակտերից 8-ը հօգուտ ԶԼՄ-ի են, իսկ 9-ով ճանաչվել է, որ լրատվամիջոցը խախտել է հայցվորի իրավունքը»,- նշեց Մելիքյանը։
Մանրամասները՝ տեսանյութում։
