13.06.2026 | 21:11
Թվեր, որ կարող են փոխել պատմությունը․ ընտրության թաքնված ՇԵՐՏԵՐԸ․ ՏԵՍԱՆՅՈՒԹ
Արդյո՞ք Հայաստանը շարժվում է ճիշտ ուղղությամբ․ հրապարակվել են IRI-ի հարցման արդյունքները
Քաղաքականություն
22.07.2025 | 10:28
Հայաստանի քաղաքացիների գրեթե կեսը՝ 49%-ը գտնում է, որ Հայաստանը ընդհանուր առմամբ գնում է սխալ ուղղությամբ, 36%-ը նշել է ճիշտ ուղղությամբ պատասխանը, իսկ 15%-ը դժվարացել, կամ հրաժարվել է պատասխանել։ Այս տվյալներն ամփոփված են ՀՀ-ում իրականացված հանրային կարծիքի ուսումնասիրության մեջ։ Հետազոտությունն իրականացվել է Միջազգային հանրապետական ինստիտուտի (ՄՀԻ) Հարցումների հետազոտությանկենտրոնի նախաձեռնությամբ՝ Center for Insights in Survey Research, և իրականացվել ԲՐԵՎԻՍ ընկերության կողմից (ներկայացված է IPSC LLC-ի կողմից)։
Տվյալները հավաքվել են 2025 թվականի հունիսի 16-26-ն ընկած ժամանակահատվածում հեռախոսային հարցման մեթոդով։ Ի տարբերություն նախորդ տարվա հետազոտության, որի տվյալները հավաքվել էին 2024 թվականի սեպտեմբերի 13-25-ն ընկած ժամանակահատվածում, այն ժամանակ հարցվածների մեծամասնությունը՝ 46%-ը գտել էր, որ Հայաստանը ընդհանուր առմամբ շարժվում է ճիշտ ուղղությամբ, իսկ 40%-ը տվել էր սխալ ուղղությամբ պատասխանը։ Հարցվածների 14%-ը դժվարացել, կամ հրաժարվել է պատասխանել։
Հետազոտության ընտրանքը կազմված է 18 տարին լրացած 1,505 ՀՀ քաղաքացիներից և Լեռնային Ղարաբաղից բռնի տեղահանված ԼՂ նախկին բնակիչներից, ովքեր այժմ բնակվում են Հայաստանում (որոնք կարող են լինել կամ չլինել քաղաքացիներ)։ Այն քաղաքացիները, ովքեր ապրել են Հայաստանում ավելի քիչ, քան 6 ամիս, չեն ներառվել ընտրանքում։ Ընտրանքը ներկայացուցչական է բջջային հեռախոս օգտագործող չափահաս բնակչության համար, որը չի ներառում չափահաս բնակչության մոտ 1.7%-ը։
Ստացված ընտրանքը կշռվել է ըստ տարիքի, սեռի և բնակավայրի տիպի՝ ըստ Ազգային վիճակագրական ծառայության 2023 թվականի տվյալների։ Այս հարցման արդյունքում բարձրագույն կրթությամբ հարցվողների մասնաբաժինն ընտրանքում ավելին էր՝ համեմատած ՄՀԻ այլ հետազոտությունների։ Ընտրանքում կրթական մակարդակը նախորդ հետազոտություններին և պաշտոնական վիճակագրությանը համապատասխանեցնելու համար ավելացվել է կրթության կշռի գործոն։ Կրթության կշռի նպատակային ցուցանիշը հաշվարկվել է՝ հիմք ընդունելով 2022 թվականի մարդահամարի տվյալների (18 և բարձր տարիքի անձանց համար) և հարցված ընտրանքի կրթական մակարդակի միջինը։
Հարցմանը մասնակցելու ցուցանիշը 25% է։
Անի Թամրազյան
