05.10.2026 | 22:03
Վաղը Երևանի և 2 մարզի մի շարք հասցեներում գազանջատումներ կլինեն
Ձերբակալվել է ԱԺ նախկին պատգամավոր Ռուբիկ Հակոբյանը
Հասարակություն
18.07.2025 | 19:03
Ազգային ժողովի նախկին պատգամավոր Ռուբիկ Հակոբյանը ձերբակալվել է։ Քննչական կոմիտեի նախագահի մամուլի քարտուղար Կիմա Ավդալյանը Factor TV-ին հայտնեց, որ Հակոբյանը ձերբակալվել է՝ դատարան ներկայացվելու համար։
«ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում իրականացվող քրեական վարույթով փաստական տվյալներ են ձեռք բերվել այն մասին, որ Ռ.Հ.-ն 2025 թվականի հուլիսի 1-ին զանգվածային լրատվության միջոցով՝ հարցազրույց տալու ընթացքում հնչեցրել է իշխանությունը զավթելուն ուղղված հրապարակային կոչ։
2025 թվականի հուլիսի 18-ին քննիչի միջնորդության հիման վրա մինչդատական քրեական վարույթի օրինականության նկատմամբ հսկողություն իրականացնող դատախազի որոշմամբ Ռ.Հ.-ի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 422-րդ հոդվածի 2-րդ մասով։ Նույն օրը Ռ.Հ.-ն դատարան ներկայացվելու համար ձերբակալվել է»,- հայտնեց Ավդալյանը։
Սա նշանակում է, որ վարույթն իրականացնող մարմինը Հակոբյանին կալանավորելու միջնորդություն է ներկայացրել դատարան։
2012թ. մայիսի 6-ին ԱԺ պատգամավոր է ընտրվել համամասնական ընտրակարգով «Ժառանգություն» կուսակցությունից:
Արաքս Մամուլյան
