20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Կարապետյանների «Ֆլորենս»-ի բաժնեմասը՝ արգելանքի տակ․ պետբյուջե պետք է վճարեն կես միլիոն դրամ
Քաղաքականություն
17.07.2025 | 19:06
Հայաստանի նախկին վարչապետ Կարեն Կարապետյանի ընտանիքին պատկանող «Ֆլորենս» ռեստորանն արգելանքի տակ է։ Այս մասին Factor.am-ը տեղեկանում է իրավաբանական անձանց պետական ռեգիստրից։
Ըստ աղբյուրի՝ դեռ 2023 թվականից «Գոլդեն Ֆլորենս» ՍՊԸ-ն երկու տարբեր վարույթներով պետք է պետական բյուջե վճարեր ընդհանուր 563 հազար դրամ, ինչը չի կատարվել։
«Գոլդեն Ֆլորենս» ՍՊԸ-ն, ըստ նույն աղբյուրի, պատկանում է «Գոլդ Ռեստ» ընկերությանը, որի բաժնեմասի 65 տոկոսը պատկանում է նախկին վարչապետի որդուն՝ Տիգրան Կարապետյանին։
Վերջին օրերին Կարապետյանների ռեստորանը հայտնվել է իրավապահների ուշադրության կենտրոնում, դադարեցված է գործունեությունը, չեղարկվում են ամրագրումները։ Քննչական կոմիտեի մամուլի խոսնակ Կիմա Ավդալյանը Factor.am-ին հայտնեց, որ ռեստորանում կատարվել են քննչական գործողություններ՝ խուլիգանության դեպքի առթիվ նախաձեռնված քրեական վարույթի շրջանակում։ Ճշտող հարցին՝ արդյո՞ք դեպքը կապված է ռեստորանի սեփականատերերի հետ, խոսնակը բացասական պատասխան տվեց։
Ռեստորանի աշխատակիցներից մեկն էլ փոխանցեց, որ առայժմ հայտնի չէ, թե երբ է գործունեությունը վերսկսվելու։ Այն փակ է արդեն երեք օր։
Նարեկ Կիրակոսյան
