15.02.2026 | 11:47
Վթարային ջրանջատում Երևանում և Կոտայքի մարզում
Սպորտային նպաստ՝ Լոս Անջելեսի 2028 թվականի Օլիմպիական խաղերին նախապատրաստվելու համար
17.07.2025 | 18:19
ՀՀ կառավարությունն այսօրվա նիստում հաստատել է Լոս Անջելեսի 2028 թվականի Օլիմպիական խաղերին նախապատրաստվելու համար մարզիկներին, հավաքականների գլխավոր (ավագ) մարզիչներին, երկրորդ և անձնական մարզիչներին, բժիշկներին ու մերսողներին սպորտային նպաստի տրամադրման կարգը:
Ըստ այդմ՝ 2026 թ. հունվարից մինչև 2028 թ. օգոստոս ամիսը սպորտային նպաստ կտրամադրվի մարզիկներին, հավաքականների մարզիչներին, անձնական մարզիչներին, բժիշկներին և մերսողներին: Որոշմամբ սահմանվում է սպորտային նպաստի տրամադրման կարգը, այդ թվում՝ սպորտային նպաստի տրամադրման ժամկետները: Որոշումն ուժի մեջ է մտնելու 2026 թ. հունվարի 1-ից:
Կառավարության մեկ այլ որոշմամբ կխթանվի հանրության շրջանում վորքաութ մարզահրապարակների քանակի ավելացումը: Այն հնարավորություն կտա վորքաութով զբաղվելու մշակույթն ինտեգրել համայնքների սոցիալական միջավայրին, որպեսզի մարզումները և սպորտով զբաղվելն ընկալվեն որպես առօրյա կյանքի բաղկացուցիչ մաս:
Առաջարկվող վերաբաշխման համաձայն՝ նախատեսվում է կազմակերպել մեկական մարզահրապարակի բացման միջոցառումներ Կապան, Ջերմուկ, Ճամբարակ և Բերդ համայնքներում։ Ծրագրի մեկնարկին զուգահեռ՝ կիրականացվեն իրազեկող տեսանյութերի նկարահանում և ակտիվ տարածում սոցցանցերի միջոցով՝ ծրագրի մասին իրազեկվածությունը երիտասարդների, հատկապես՝ նշված համայնքներում բնակվող բնակիչների շրջանում բարձրացնելու նպատակով:
Workout Academy կրթական ծրագրի շրջանակում նախատեսվում է նշված 4 համայնքների դպրոցներում աշխատող ֆիզկուլտուրայի ուսուցիչներից ընտրել 2-ական մասնագետ և կազմակերպել վերապատրաստման դասընթաց վորքաութ մարզաձևի ուղղությամբ գիտելիքների խորացման նպատակով։ Դասընթացն իրականացվելու է ամբողջությամբ առցանց տարբերակով՝ WSWCF միջազգային ֆեդերացիայի կողմից պատրաստված կրթական ծրագրով։
Ֆեդերացիայի մարզիչների մասնակցությամբ նախատեսվում է պատրաստել ուսուցողական տեսանյութեր (5 տեսանյութ), որոնք QR կոդերի միջոցով հասանելի կլինեն Հայաստանում մինչ այս կառուցված և ապագայում կառուցվելիք բոլոր վորքաութ տեսակի մարզահրապարակներում։
