31.07.2026 | 14:30
Այն ուժերը, որոնք անցել են խորհրդարան, շատ խոցելի են, իշխող ուժը օգտագործելու է դա․ Գրիգորյան․ ՏԵՍԱՆՅՈւԹ
ՀՀ նախագահն ընդունել է ՀԾԿՀ նախագահին․ քննարկվել են ՀԷՑ-ի հետ կապված հարցեր
Քաղաքականություն
17.07.2025 | 10:33
Հանրապետության նախագահ Վահագն Խաչատուրյանն ընդունել է ՀՀ հանրային ծառայությունները կարգավորող հանձնաժողովի (ՀԾԿՀ) նախագահ Մեսրոպ Մեսրոպյանին․ հայտնում են ՀՀ նախագահի աշխատակազմից։
Հանդիպման ընթացքում քննարկվել են հանրային ծառայությունների ոլորտում առկա մի շարք արդիական խնդիրներ և դրանց կարգավորման հնարավոր ուղղությունները։ Մասնավորապես, անդրադարձ է կատարվել Հայաստանի էլեկտրական ցանցերի հետ կապված հարցերին՝ ռազմավարական նշանակություն ունեցող ենթակառուցվածքների արդյունավետ և հուսալի կառավարման համատեքստում։
Հիշեցնենք, որ օրեր առաջ ՀՀ նախագահը ստորագրել էր ՀԷՑ-ի պետականացման նպատակով ընդունված օրենքները։
Իսկ ՀՀ վարչապետ Նիկոլ Փաշինյանը նախօրեին հրավիրված մամուլի ասուլիսի ընթացքում խոսել էր ՀԷՑ-ի պետականացմանը հաջորդելիք քայլերի մասին։
