24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Դատախազությունը պահանջում է անվավեր ճանաչել ԼՂՀ-ի կառավարության սեփականության իրավունքի պետական գրանցումը Արցախի ներկայացուցչության շենքի նկատմամբ
Հասարակություն
16.07.2025 | 11:30
Դատախազությունը պահանջում է անվավեր ճանաչել Երևանում Լեռնային Ղարաբաղի Հանրապետության Կառավարության սեփականության իրավունքը՝ ԼՂՀ ներկայացուցչության շենքի նկատմամբ։ Այս մասին տեղեկանում ենք «Դատալեքս» դատական- տեղեկատվական համակարգից։
Հայցադիմումը դատարան է ներկայացվել երեկ՝ հուլիսի 15-ին։ Պահանջը ձևակերպված է հետևյալ կերպ․ «31.01.2007թ. ք. Երևան, Արաբկիր համայնք, Ն. Զարյան փողոց թիվ 17Ա հասցեում գտնվող թիվ 01-003-218-022-001 կադաստրային ծածկագիրը կրող շինության նկատմամբ Լեռնային Ղարաբաղի Հանրապետության կառավարության սեփականության իրավունքի պետական գրանցումը /անշարժ գույքի նկատմամբ իրավունքների պետական գրանցման թիվ 2239396 վակայան/ անվավեր ճանաչել»։
Գործը մակագրվել է դատավոր Կարեն Զարիկյանին։
Արաքս Մամուլյան
