13.01.2026 | 10:31
Հրդեհ Այգեստան գյուղում․ տանը քաղաքացու դի է հայտնաբերվել
Դատապարտյալին ինքնասպանության հասցնելու հոդվածի հատկանիշներով վարույթ է հարուցվել
Հասարակություն
16.07.2025 | 11:33
Դատապարտյալի ինքնասպան լինելու դեպքի առթիվ նախաձեռնվել է քրեական վարույթ՝ Քրեական օրենսգրքի 162-րդ հոդվածի 1-ին մասի հատկանիշներով՝ ինքնասպանության հասցնելը: Այս մասին Factor TV-ի հարցմանն ի պատասխան հայտնեցին Քննչական կոմիտեից.
«Նշանակվել է դիակի դատաբժշկական փորձաքննություն»,- նշեց ՔԿ մամուլի քարտուղար Կիմա Ավդալյանը։
Հիշեցնենք՝ հուլիսի 14-ին «Արմավիր» քրեակատարողական հիմնարկում մահվան հերթական դեպքն է գրանցվել։ Factor TV-ի տեղեկություններով՝ դատապարտյալ Ա.Ս-ն պատժախցում ինքնասպան է եղել սավանով կախվելու միջոցով։ Քրեակատարողական ծառայությունը Factor TV-ի հետ զրույցում հաստատեց տեղեկությունը.
««Արմավիր» քրեակատարողական հիմնարկում պատիժ կրող, 1987թ․ ծնված դատապարտյալ Ա․Ս․-ն հայտնաբերվել է խցի պատուհանի ճաղավանդակից սավանով կախված վիճակում։ Անմիջապես կանչվել է շտապօգնություն, որն արձանագրել է դատապարտյալի կենսաբանական մահը։ Դեպքի առթիվ ՀՀ ՔԿ Արմավիրի մարզային քննչական վարչության Վաղարշապատի քննչական բաժնում նախաձեռնվել է քրեական վարույթ»,- նշեց ՔԿԾ հասարակայնության և լրատվության վարչության պետ Նոնա Նավիկյանը։
Անցնող 7 ամիսների ընթացքում ՔԿՀ-ներում գրանցվել է մահվան 16 դեպք, որից 6-ը՝ ինքնասպանություն։
Ռոզա Վարդանյան
