24.06.2026 | 10:07
Նավթի գները նվազել են
Առանձնապես խոշոր չափերի փողերի լվացում, հարկեր թաքցնել, խարդախություն․ Սամվել Կարապետյանին նոր մեղադրանքներ են առաջադրվել
Հասարակություն
16.07.2025 | 11:10
Քննչական կոմիտեում քննվող վարույթի շրջանակներում 1անձի նկատմամբ հարուցվել է հանրային քրեական հետապնդում՝ Քրեական օրենսգրքի 46-290-րդ հոդվածի 3-րդ մասի 2-րդ կետով (առանձնապես խոշոր չափերով հարկերը, տուրքերը կամ այլ վճարներ չվճարելը կազմակերպելը), 296-րդ 3-րդ մասի 3-րդ կետով (առանձնապես խոշոր չափերով փողերի լվացումը) և 46-255-րդ հոդվածի 3-րդ մասի 3-րդ կետով (առանձնապես խոշոր չափերով խարդախություն կազմակերպելը) հոդվածներով։ Այս մասին Factor TV-ի հարցին ի պատասխան հայտնեց Քննչական կոմիտեի նախագահի մամուլի քարտուղար Կիմա Ավդայանը՝ չմասնավորեցնելով, թե ում մասին է խոսքը։
Իրավապահ մարմիններում Factor TV-ի աղբյուրների փոխանցմամբ՝ խոսքը Սամվել Կարապետյանի մասին է։
Նշենք, որ ավելի վաղ գործի շրջանակներում հանրային քրեական հետապնդում է հարուցվել նաև «Պիցցա Տաշիր» ՍՊԸ տնօրենի նկատմամբ՝ Քրեական օրենսգրքի 290-րդ հոդվածի 3-րդ մասի 1-ին և 2-րդ կետերով (մի խումբ անձանց կողմից նախնական համաձայնությամբ առանձնապես խոշոր չափերով հարկերը, տուրքերը կամ այլ վճարներ չվճարելը):
Վերջինիս նկատմամբ որպես խափանման միջոց կիրառվել է կալանքը: Այս գործի շրջանակներում խուզարկություններ էին իրականացվել «Տաշիր պիցցա»-ի մի քանի տասնյակ մասնաճյուղերում։
Արաքս Մամուլյան
