01.04.2026 | 20:00
Փաշինյանի թիկնապահը խփել է վարչապետին հարվածելու փորձ կատարած տղային․ նոր տեսանյութի հետքերով. ՏԵՍԱՆՅՈւԹ
Ձերբակալված ՀՅԴ երիտասարդներից 4-ն ազատ են արձակվել
Հասարակություն
13.07.2025 | 10:32
Ոստիկանության ձերբակալվածների պահման վայրից այսօր՝ հուլիսի 13-ի առավոտյան, ազատ են արձակել օրեր առաջ ձերբակալված ՀՅԴ-ական երիտասարդներին։
Ազատ արձակվածների թվում են ՀՅԴ ԳՄ աշխատակազմի ղեկավար Վահագն Մատինյանը, ՀՅԴ ԳՄ անդամ, «Հայաստան» խմբակցության պատգամավոր Գեղամ Մանուկյանի որդին՝ Տարոն Մանուկյանը։
Քննչական կոմիտեից Factor.am-ին տեղեկացրին, որ ձերբակալության առավելագույն ժամը լրանալու հիմքով քրեական վարույթի շրջանականերում ձերբակալված 5 անձինք ազատ են արձակվել: Նախաքննությունը շարունակվում է:
Հիշեցնենք՝ հուլիսի 10–ի վաղ առավոտից ուժային կառույցների ներկայացուցիչները խուզարկություններ են իրականացրել ՀՅԴ անդամների բնակարաններում, այդ թվում՝ ԱԺ պատգամավոր Գեղամ Մանուկյանի, ՀՅԴ Հայաստանի Գերագույն մարմնի աշխատակազմի ղեկավար Վահագն Մատինյանի, «Եղվարդ» խոշորացված համայնքի ավագանու անդամ, ՀՅԴ Հայաստանի Երիտասարդական միության Կենտրոնական վարչության նախագահ Գևորգ Մուրադյանի տներում։
Ձերբակալվել է յոթ անձ, այդ թվում՝ Գեղամ Մանուկյանի որդին։
