29.04.2026 | 14:10
Արմեն Մելիքբեկյանն ու Լևան Կոբիաշվիլին հանդիպել են ՖԻՖԱ-ի նախագահին
Դանակահարություն գազալցակայանում․ մեղադրյալը ձերբակալվել է
Հասարակություն
11.07.2025 | 14:49
Գազալցակայանում վեճը վերաճել է դանակահարության։
ՆԳՆ ոստիկանության հաղորդագրությունը՝ ստորև․
«Հուլիսի 6-ին՝ ժամը 21․43-ին, ոստիկանություն հիվանդանոցից հաղորդում է ստացվել, որ մարմնական վնասվածքներով բուժօգնության է տեղափոխվել Արագածոտնի մարզի Ծաղկաշեն գյուղի բնակիչ 28-ամյա երիտասարդ:
Քրեական ոստիկանության Կոտայքի մարզային վարչության և Համայնքային ոստիկանության Նաիրիի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ ժամը 21.30-ի սահմաններում Պռոշյան գյուղի 5-րդ փողոցում գտնվող գազալցակայանում վիճաբանություն է եղել պռոշյանցի 49-ամյա տղամարդու և գազալցակայանի աշխատակիցների միջև, ինչից հետո գազալցակայան է եկել 49-ամյա տղամարդու 29-ամյա որդին և դանակով հարվածել 28-ամյա երիտասարդին՝ առողջությանը պատճառելով ծանր վնաս:
Նախաձեռնվել է քրեական վարույթ:
Կոտայքի մարզի Պռոշյան համայնքի բնակիչ 29-ամյա երիտասարդի նկատմամբ հարուցվել է հանրային քրեական հետապնդում։ Նա հայտնաբերվել, ձերբակալվել և ներկայացվել է Նաիրիի քննչական բաժին:
Կատարվում է նախաքննություն»:
