21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
Բաքվից մանրամասներ են հայտնել Փաշինյան-Ալիև հանդիպման արդյունքների վերաբերյալ
Քաղաքականություն
10.07.2025 | 14:54
Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հանդիպումն Աբու Դաբիում ավարտվել է, այն, ըստ ադրբեջանական աղբյուրների, անցել է շատ կառուցողական մթնոլորտում։
Ինչպես հաղորդում է ադրբեջանական APA իշխանամերձ լրատվական գործակալության թղթակիցը, «հանդիպման ընթացքում լուրջ և բովանդակալից քննարկումներ են ծավալվել Հայաստանի և Ադրբեջանի միջև խաղաղության օրակարգի այնպիսի կարևոր ուղղությունների շուրջ, ինչպիսիք են սահմանների սահմանազատումը, «Զանգեզուրի միջանցքի»(Բաքուն այսպես է անվանում Հայաստանից անցնող երթուղին, որը կապելու է Ադրբեջանը Նախիջևանին) բացումն ու զարգացումը, խաղաղության պայմանագրի նախաստորագրումը և այլ հարցեր»։
Նշվում է, որ փոխադարձ համաձայնություն է ձեռք բերվել շարունակել այս շփումներն ու բանակցությունները ինչպես տարբեր աշխատանքային խմբերի մակարդակով, այնպես էլ ավելի բարձր մակարդակով։
Այս պահի դրությամբ կողմերը դեռևս պաշտոնական հաղորդագրություններ չեն տարածել բանակցությունների արդյունքների վերաբերյալ։
Թարգմանությունը՝ Էմմա Չոբանյանի
